Alidé Sans Mas, neishuda eth 9 de març de 1993 ena Val d'Aran, ei ua joena cantaira de lengua occitana (gascon aranés). Ei era hilha dera cantaira Lúcia e de Jusèp Loís Sans Socasau. Comencèc a èster coneishuda ena cançon d'Occitània tamb eth títol Esperança, hèt tamb eth grop de hip-hòp SHHNHC, en 2012Nicolau Rei Bèthvéder, "Alidé Sans o la modernitat dens la cançon aranesa", La Setmana, 4 de gener de 2013.
Rapidament participèc a hestivaus en 2013 coma BarnaSants, Escota e Minja, ara hèsta dera Catinon, ara E.O.E. o encara Hestiv'òc de Pau. Cantèc Aqueres montanhes en acte oficiau dera Diada. Participèc ara Estivada de Rodés en junhsèga de 2015.
Dempús dera Estivada, a on ganhèc encara un public nau, Alidé Sans s'associe ath music Paulin Courtial e multiplica es concèrts. Joguèc a New York en abriu 2017 entara hèsta de Sant Jòrdi.
Alidé Sans dèishe veir ena sua inspiracion era influéncia de ritmes suaus coma era romba, eth reggae, eth soul, mès cante quasi tostemp en occitan aranés. Es sòns textes parlen de derives dera nòsta societat e deth mon interior, complicat, d'ua gojata dera sua edat. Compause, escriu e interprète es sues cançons Nicolau Rei Bèthvéder, "Sò deth mond, mès ne sò en occitan", Jornalet, 1èr de deseme de 2013.
Ena primauera de 2015, a gessut eth sòn prumèr album titolat Eth paradís ei en tu.
En mai de 2023 es elejuda ar ajuntament de Bausen, damb autes dues conselhères d’Aran Amassa."Es bailes e bailesses deth 28M: Bausen", Eth maitin d’Aran, 15.06.2023
Discografia Eth paradís ei en tu (2015). Comuna XXI. Henerècla (2018)
Nòtes e referéncies
Categoria:Cantaira aranesa Sans, Alidé Categoria:grops e cantaires d'Occitània Categoria:Naissença en 1993 Categoria:Cantaira e cantaire dels ans 2000 Categoria:Cantaira e cantaire dels ans 2010 Categoria:Cantaira e cantaire dels ans 2020