Pampalona (en occitan Pampalona, en occitan istoric Pampalona o Pampaluna, en basco Iruñea o Iruña, en espanhòl Pamplona, admnistrativament Pamplona/Iruña) es una vila del Bascoat, es la capitala de la Comunautat Forala de Navarra, en Espanha. Segon lo nacionalisme basco, es considerada coma capitala istorica del Bascoat.
Pampalona se situa dins lo nòrd de la Peninsula Iberica, a 440 mètres d'altitud, banhada pels rius Argas e Elort.
Centre arquitectural ric, ten divèrses monuments inscriches coma bens d'interès cultural, especialament la Catedrala de Santa Maria, las glèisas de Sant Saturnin, Sant Nicolau e Sant Laurenç, la Ciutadèla e la Cambra dels Comptes de Navarra. Pampalona se coneis tanben per las Fèstas de Sant Fermin (entre los 6 e 14 de julhet) qu'atrason de gents d'Occitània.
A l'Edat Mejana, mentre que Navarra èra un reialme independent, lo basco i costejava la lenga portada per las personas originàrias de Gasconha (l'occitan transpirenenc). Per tant, los primièrs fòrs (privilègis, costumas) de la vila de Pampalona s'escriguèron en lenga occitana. Aqueles occitans, apelats francos, vivián als borgs Sant Nicolau e Sant Cernín, per oposicion al quartièr de la Navarreria poblat pels bascofòns.
Nòtas e referéncias
Categoria:Comuna de Navarra