Martin Luther (1483–1546) que ho un religiós e un teologian alemand deu començament deu sègle XVI e un deus iniciators de la Reforma protestanta.
Biografia
Martin Luther que vadó a Eileben (Saxònia). Qu'estudiè dens las vilas de Mansfeld, Magdeburgo e Eisenach abans d'entrar dens l'Universitat d'Erfurt. A partir de 1505 que's hè monge e, arron, en 1507, que ho ordenat prèste de la Glèisa Catolica; a partir de 1508 qu'ensenhè la teologia a l'Universitat de Wittenberg e a la medisha epòca que viatgè a Roma on e comencè a estar decebut per la Glèisa Catolica e las soas practicas (com, per exemple, la venta d'indulgèncias. Qu'arrecebó lo grad de doctor de la Glèisa Catolica en 1512.
En 1517 que placardè las soas 95 Tèsis suu portau de la glèisa de Wittenberg, trencant autau dab la Glèisa Catolica e marcant atau la vaduda deu protestantisme.
A maugrat d'estar membre de la Glèisa Catolica, aquesta institucion que condemnè las soas tèsis e que'u excomuniè en 1521. En 1522 que tradusí la Bíblia en alemand (tribalh qui debutè l'estandardizacion d'aquesta lenga). Après aver trencat dab la Glèisa Catolica, que's podó maridar dab Caterina de Bora.
Referéncias
Martin Luther – Eine Bibliographie
Categoria:Martin Luther Categoria:Luteranisme Categoria:Istòria de la Reforma Categoria:Renaissença alemanda Categoria:Teologian alemand Categoria:Escrivan alemand Categoria:Escrivan de lenga alemanda Categoria:Compositor alemand Categoria:Compositor de la Renaissença Categoria:Critica del catolicisme Categoria:Traductor de la Bíblia Categoria:Personalitat alemanda del sègle XVI Categoria:Teologian protestant Categoria:Naissença en 1483 Categoria:Decès en 1546