Lo Nadalet de Requistar es un cant del sègle XIX escrich en 1864 pel requistarés Pau Bonnefous (1780-1849) e que se canta per totas las messas de Nadal a Requistar.
Grafia originala Grafia normalizada LOUS PASTOURELS Qu'es aquélo clartat Qu'esclaïro la campagno ? Sès bous sus la mountagno O Diou de majestat ? Qu'es aquélo clartat ?
L'ANGEL Efans, rebelhas-bous Uno bouno nouvelo A Bethléem appèlo Lous pastrés d'alentours Efans, rebelhas-bous.
LOUS PASTOURELS O Dious, qu'aben aousit Cal canto amoun dins l'aïré? Qu'aourio mai pouscut fairé La harpo de David ? O Dious, qu'aben aousit?
L'ANGEL Laissas bostrés moutous Un temps précious s'escoulo A Bethléem en foulo Anas, despachas-bous, Laissas bostrés moutous.
LOUS PASTOURELS Qué pod'estre arribat Qué nous sonou des astres ? A qué sen bous lous pastrés De bel ou d'élébat Qué pod' estre arribat ?
L'ANGEL Bous es nascut un Reï Alaï dins un establé Un pitchounel aïmable Qu'uno grépio soustéï El-mémes es bostre reï.
LOUS PASTOURELS S'èro pas bist jamaï Un reï naïssé tant paouré A péno podou claouré Elsés dins un palaï S'èro pas bist jamaï.
L'ANGEL Anas-bou'n l'adoura Sans creïre l'ueil que troumpo N'a pas besoun de poumpo Es fils de nostre Diou Anas-bou'n l'adoura.
LOUS PASTOURELS Angel counsouladou Qu'es grande nostro joïo Lou Seignour nous enwoïo L'aimable salvadou, Angel counsouladou.
L'ANGEL Onour, glorio al Senhor Sus terra, amor celeste Pas a tot omé prest A s'enflammar d'amor Per servir lo Senhor.LOS PASTORÈLS Qu'es aquela clartat Qu'esclaira la campanha ? Sètz vos sus la montanha Ò Dieu de majestat ? Qu'es aquela clartat ?
L'ÀNGEL Enfants, revelhatz-vos Una bona novèla A Betleèm apèla Los pastres d'alentorn Enfants, revelhatz-vos.
LOS PASTORÈLS Ò Dieus, qu'avèm ausit Qual canta amont dins l'aire? Qu'auriá mai poscut faire L'arpa de Dàvid ? Ò Dieus, qu'avèm ausit ?
L'ÀNGEL Laissatz vòstres motons Un temps preciós s'escola A Betleèm en fola Anatz, despachatz-vos, Laissatz vòstres motons.
LOS PASTORÈLS Que pòt èstre arribat Que nos sònan dels astres ? A qué sèm bons los pastres De bèl ou d'elevat Que pòt èstre arribat ?
L'ÀNGEL Vos es nascut un Rei Alai dins un estable Un pichonèl aimable Qu'une grépia sosten El mesme [meme] es vòstre Rei.
LOS PASTORÈLS S'èra pas vist jamai Un rei nàisser tan paure A pena pòdon claure Eles [Elses] dins un palais S'èra pas vist jamai.
L'ÀNGEL Anatz-vo'n l'adorar Sens creire l'uèlh que trompa N'a pas besonh de pompa Es filh de nòstre Dieu Anatz-vo'n l'adorar.
LOS PASTORÈLS Àngel consolador Qu'es granda nòstra jòia Lo Senhor nos envia [envòia] L'aimable salvador, Àngel consolador.
L'ÀNGEL Onor, glòria al Senhor Sus tèrra, amor celèst [celèste] Patz a tot òme prèst A s'enflamar d'amor Per servir lo Senhor.
Categoria:Occitània Categoria:Cant tradicional occitan