Valadon o Baladon Gaston Bazalgues, A la Découverte des Noms de Lieux du Quercy et des Communes du Lot, Les Éditions de la Bouriane et du Quercy, 2002, p. 106 (Baladou en francés) es una comuna carcinòla situada dins lo departament d'Òut e la region d', ancianament de Miègjorn-Pirenèus.
Geografia vignette|upright=1.8|centre|Comunas a l'entorn.
Toponimia Lo nom vendriá, segon Dauzat, coma Baladour (Senta Ostàsia, Cantal), d'un mot latin inatestat *ballatorium, « luòc per dançar (balar) », dins lo sens d'un vaste airal planièr Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 47, çò que, en critèris carcinòls, correspond puslèu plan al site. I a d'autres luòcs nommats Baladou, que generalament mas pas totjorn, correspondon a de luòcs puslèu planièrs https://www.geoportail.gouv.fr/carte cercar Baladou. L'èrra finala del luòc auvernhat sèrv de verificacion.
Ernèst Negre causís lo mot occitan valat ambe'l sufixe diminutiu -on, çò qu'a lo sens de « pichon valat »; per Baladour de Senta Ostàsia, apond a valat lo sufixe -ador : lo que provesís de valats legir en linha . Aquela explicacion, mai que mai pel segond luòc, a un sens dins la construccion dels castèls. Mas, lo curatge dels valats es pas una activitat d'una granda tecnicitat, comparabla al mestièr de maçon per exemple e l'existéncia d'un especialista medieval d'aquel trabalh es probablament una illusion, çò que condamna la grafia Valadon per la comuna o Valador pel luòc auvernhàs. L'idèa d'un pichon valat es improbabla tanben per sa febla valor toponimica, mai que mai s'es pichon.
Gaston Basalgas cita las proposicions de Dauzat e de Negre e ajusta un derivat de valada, « val »; causís una grafia mixta, Baladon, o, se lo nom ven de valada, Valadon , represa per Patrici Pojada. Mas, ont trobar una val a l'entorn del vilatge carcinòl ?
Es pas defendut de supausar que los divèrses Baladou, Baladour (en francés), de còps provesits de l'article, correspondon pas totes a la meteissa origina. Un còp eliminada la proposicion tròp fantasiosa de Negre per luòc de Senta Ostàsia, probablament los valats e la suposicion d'una val quina que siá, demòra una tresena possibilitat, qu'es gallica, Balatonon, la proprietat de Balato(nos (cf. la divessa o lo diu Belatos), que justificariá la grafia Baladon de Basalgas e que permet d'explicar Ballon (Sarthe) (Balatonno (epòca merovingiana), Baladon e Balodon al sègle IX) e Balon en Daufinat (Balaion en 1277 Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 49 Xavier Delamarre, Noms de lieux celtiques de l'Europe ancienne, ed. Errance, 2012, p. 69-70, ambe un i que senhala una consonanta dispareguda, normalament un -d- en vivaroalpin). Se lo vilatge de Maine èra en Carcin, seriá demorat Baladon. Aquela possibilitat existís pas pel luòc de Senta Ostàsia e cal demorar a l'ipotèsi de Dauzat, que lo site justifica.
Istòria
Administracion
Demografia
Luòcs e monuments
Personalitats ligadas amb la comuna
Veire tanben Comunas d'Òlt Lo Portal de Carcin L'occitan de Carcin
Ligams extèrnes
Nòtas
Categoria:Comuna d'Òlt Categoria:Comuna de Carcin Categoria:Comuna de Guiana