Sent Quentin de Sausselenjas (Saint-Quentin-sur-Sauxillanges en francés) es una comuna occitana dau departament dau Puèi de Doma e de la region d'Auvèrnha-Ròse-Aups.

Los abitants son los Sentquentinaires e las Sentquentinairas.

Toponimia Las atestacions son per luòcs :

Sent Quentin : le nom ven de Sanctus Quentinus, un martir dau sègle III. Las atestacions ancianas son S. Quintini (X-XIIHenri Doniol, Cartulaire de Sauxillanges, Clermont-Ferrand, 1864, p. 668.), Sanctus Quentinus (931, 1096) e Sanctus Quintinus (1373). La comuna se ditz [sɛ̃ ˈkɛ̃tʃi] vèrs Chapelon e Sausselenjas e [sɛ̃ kɛ̃ˈtʃi] vèrs Sent Tiène d'IçonCollectatges IEO 63.. Chapelon : Chapelon en 1656https://www.archivesdepartementales.puy-de-dome.fr/ark:/72847/vtab6a974ff23e6c063/daogrp/0/28. Le Cibòt : Le Cibeau en 1946Archius Departementau dau Puèi de Doma, "Listes Nominatives de recensement de la Population".. La Coirariá : La Coiraria entre los siècles X e XIIHenri Doniol, Cartulaire de Sauxillanges, Clermont-Ferrand, F. Thibaud, 1864, p. 634.

Geografia

Luòcs dits vinheta|esquèrra|183x183px|Vialatge de Bonafònt.

Bonafònt [bunaˈfwã] (fr. Bonnefont), la bona fònt. Chapelon [t͡saˈplu] (fr. Chapeloux), podriá èstre aparentat embei le latin caput o capillus embei en diminutiu -on. Auriá doncas le sens geografic de petita extremitat. Le Cibòt [lə ʃəˈbo] (fr. Cibeau). Civadós [ʃvaˈdu] (fr. Civadoux), l'endreit ente trobèm de civada. La Coirariá [la kwejraˈja] (fr. La Coirie). La Faia [la ˈfajɒ] (fr. La Faye), l'endreit ente trobèm de faus. Las Granjas [la ˈgrãd͡za] (fr. Les Granges). Oumeta [yˈmətɒ] (fr. Homette), l'endreit ente trobèm d'òumes. Janlong [d͡zãˈlɔ̃] (fr. Jeanlong). Le Petit Molin [lə ptʃi muˈli] (fr. Le Petit Moulin). Los Planissards [ly planiˈsar] (fr. Les Planissards). Los Benits [ly bəˈɲi] (fr. Lous Bény). Los Rials [ly rja] (fr. Lous Réals). La Sanhòla [la saˈɲɔlɒ] (fr. La Sagnole), l'endreit ente i aviá de sanhas. La Vernhèira [la varˈɲɛjrɒ] (fr. La Vernière), l'endreit entre trobèm de vèrnhes.

Urbanisme Tipologia Sent Quentin es una comuna rurala coma fai partida de las comunas pauc o bien densas, au sens de la grilha comunala de densitat de l'Insee.

De mai, la comuna fai partida de l'aira d'atraccion de Soire, dont es una comuna de la corona. Aquela aira, qu'amassa 53 comunas, es categorizada dins las airas de mens de 50 000 abitants.

Ocupacion daus sòus vinheta|Carta de las infrastructuras e de l'ocupacion daus sòus de la comuna en 2018 (CLC). L'ocupacion daus sòus de la comuna, tala coma ressòrt de la basa de donadas europeana d'ocupacion biofisica daus sòus Corine Land Cover (CLC), es marcada per l'importança daus bòscs e mitans seminaturaus (70% en 2018), una proporcion identica a aquela de 1990 (69, 5%). La reparticion detalhada en 2018 es la seguenta : bòscs (70%), pradas (18,6%), zònas agricòlas eterogenèas (11, 2%), zònas urbanizadas (0, 1%).https://www.statistiques.developpement-durable.gouv.fr/corine-land-cover-0

L'IGN bòta a disposicion un utís en linha que permet de comparar l'evolucion dins le temps de l'ocupacion daus sòus de la comuna (o de territòris a d'eschalas diferentas). Mai d'una epòca es disponibla sos fòrma de cartas o fòtos aerianas : la carta de Cassini (XVIIIe siècle), la carta d'estat-major (1820-1866) e la periòda actuala (1950 jusca anuèit).

Istòria vinheta|esquèrra|183x183px|Couchat de solelh vèrs Sent Quentin, pas luènh de la Sanhòla. Una tradicion vòl qu'un menaire gallés, Celsus, lai aguèt una demorança fortifiada.

Sent Quentin apareis en 927 quand Acfred, duc d'Aquitània, baila sa glèisa au priorat de Sausselenjas. Don confirmat per una bulla pontificala de 1096. En 1789, le priorat èra totjorn possessor de Sent Quentin.

A l'origina i aguèt per celebrar le culte renmàs la chapèla dau chastèl. Puèi siguèt bastida una glèisa a l'epòca romana, mas èra pas parrochiala : qu'èra une annèxa de Nòstra-Dama de Sausselenjas. L'avesque la visitèt en 1773.

Au mes de març de 1790 le « vialatge de Sent Quentin » venguèt una comuna.

Mentre le periòde revolucionari de la Convencion Nacionala (1792-1795), la comuna qu'èra apelada Sent Quentin, portèt quauque temps le nom de Quentin le Rochèir puèi de Ròcha Quentin.

Qu'es en 1938 que le nom actuau siguèt adoptat. Eraldica esquèrra|110x110px Las armas de Sent Quentin se blasonan coma aquò :

D'argent a la flor de liri partida d'azur e de golas.

Administracion

Demografia

Luòcs e monuments

Glèisa de Sent Quentin inscriuta aus monuments istorics despuèi le 28 juenh 1963 : la glèisa a ren-mas una nau de doas travadas seguda d'un cuer ennautat achabat per un chabeç plat ; l'ensemble es tapat d'un barçòu bresat que renfòrçan dos doblaus ; la pòrta occidentala parada per un balet modèrne consèrva sos batents ancians embei lhurs penturas d'origina.

vinheta|esquèrra|178x178px|Glèisa Nòstra-Dama de la Nativitat.

Veire tanben Comunas dau Puèi de Doma

Referenças

Categoria:Comuna d'Auvèrnhe (Occitània) Categoria:Comuna dau Puèi de Doma