Coma enonciat çai-sus, l'informatica es lo Tractament automatizat de donadas per un aparelh electronic : l'ordenador ; los germanofòns parlan de elektronische Daten Verarbeitung / EDV (« Tractament electronic de donadas »), los anglofòns d'informacion technology / IT (« tecnologias de l'informacion »), valent a dire :
donadas o informacions : in fine, l'ordenador manipula de nombres (d'aquí lo tèrme anglés computer, literalament « calculador »), mas aqueles nombres pòdon representar mai d'un tipe d'informacions : de... nombres ben evidentament, dins lo cas de calculs scientifics (flotants) o comptables (decimal, o binari entièr)... un tèxt, de letras (caractèrs), que pòt metre en forma amb un tractament de tèxt, empremir, mandar per corrièr electronic... de dessenh vectorial (CAO, logicials d'illustracion, e mai polissas PostScript o TrueType) d'imatges estatics (fotografias) o animats (video), d'ologramas de sons, enregistrats (tecnica del direct to disk) o fabricats per l'ordenador (sintetizaire), que sián de bruitatges, de musica o de paraula ;
La conversion d'aquestas informacions en nombres pausa lo problèma de l'encodatge e dels formats normalizats (per exemple representacions dels nombres entièrs o amb virgula flotanta, format ASCII, Unicode, RTF per los tèxtes, format bitmap, dessenh vectorial, JPEG, PNG... per los imatges fixes, format QuickTime, MPEG per las video)... automatizat : l'utilizaire interven pas, o pauc, dins lo tractament de las donadas ; lo tractament es definit dins un programa que se debana d'esperel, l'utilizaire s'acontenta de fornir de paramètres de tractament ; lo programa automatic se debana segon un algoritme, l'establiment d'aqueste programa es lo domeni de la programacion. tractament : aquestas donadas son creadas : nombres : aquisicion automatica de donadas d'una experiéncia amb un ordenador tèxt : picar un tèxt imatges : sintèsi d'imatge (per presentar un projècte – objècte fictici en cors de concepcion –, imatjariá medicala, dessenh artistic – infografia –, filme d'animacion ou pixelacion) o numerizacion d'un imatge existent (scanner, aparelh fotografic numeric, webcam) sons : sintetizaire analisadas : nombres : l'analisi dels nombres depend del domeni concernit (matematicas, fisica, economia...) tèxt : recercar las ocurréncias de mots dins un tèxt per ne tirar d'estadisticas, correccion ortografica e gramaticala imatges : pòt voler identificar un objècte (reconeissença de forma, numerizacion d'un escrit), o ben determinar la superficia cobèrta per una color (per exemple per quantificar una superficia recobèrta) sons : analisi espectrala, reconeissença vocala modificadas nombres : calculs tèxt : modificacion d'un tèxt existent imatges : modificacion del contrast, de la luminositat, de las colors, efèctes especials sons : aplicacion d'efèctes (reverberacion, distorsion, ajustament de la nautor) archivadas puèi restituidas (per los imatges, de cas, per de tecnicas de paleta, dichas tanben falsa color).
Categoria:Informatica