Furçac (Sent Peir) (Saint-Pierre-de-Fursac en francés) es una anciana comuna occitana de Marcha, en Lemosin, situada dins lo departament de Cruesa e la region de Novela Aquitània, ancianament de Lemosin. Dempuei lo 1er de genier 2017, es comuna delegada de la comuna novela de Furçac.

Geografia Los borgs de Sent Peir de Furçac e de Sent Estefe de Furçac fòrman una sola aglomeracion. Dempuei 2017, las doas comunas son fusionadas.

Toponimia Las atestcions ancianas son, per luec:

Furçac (Sent Peir) - Ecclesia sancti Petri de Furciaco vers 1125; Vicus qui dicitur Fursacus au segle XII; Ad mansuram de Vader (pour Brider) … in tota decima sua parrochia de Furssac en 1253; Capellanus sancti Petri de Fursac au segle XIV; La parr. de S. Pierre de Furssac en 1346; Sur les mas de Trepschassou de la paroche de Saint Pierre de Fursac … sur les tenues et biens de Nic… en 1403; Burgus de Fursaco en 1457; Saint-Pierre-de-Fursac en 1539; Pierre de Fursac (St) en 1844; Saint-Pierre-de-Fursac en 1882https://dicotopo.cths.fr/places/P49467370.

Toponimia Sent Peir o -Pèir es l'evolucion normala en occitan de l'oèst (gascon, lemosin, agenés...) de Sanctus Petrus (l'apòstre). Pus a l'èst, se ditz Sent (sant) Peire (Pèire).

Per Furçac, l'exemple dau vilatge besson, Furçac (Sent Estefe) pòt servir.

I a divèrsas atestacions ancianas per Sent Estefe de Fursac : Ferruciaco, Ferrucia, Firruciac (monedas, sègle VII); Vicaria Firciacense (charta de l'an 960), Ecclesia sancti Stephani de Furciaco (cartulari de Benavent, vèrs 1090); Parrochia Sancti Stephani de Fursac (acte de 1250); Parrochia Furciaci-inferioris (colleccion Gaignières, tòme 186, p. 123, 1264); Ecclesia beati Stephani de Fursat (cartulari O. Domina, p. 70 vo, archius de la Nauta Vinhana, 1292); Burgus de Fursaco (Pierre d'Hozier, registre III, genealogia de Chamboran(t), p. 42, 1457); Fursac (registre de Guarin, 1539-1542).

Pendent la Revolucion, la comuna de (Sent Peir de) Furçac portèt oficialament, de nivôse de l'an II à vendémiaire de l'an V, lo nom de Fursac-Libre Archives départementales de la Creuse, p.|10 à 52.

Las etimologias fantasiosas an pas mancat e an sistematicament negligit las atestacions pus ancianas, las del sègle VII. Segon l'abat Louis Dubreuil, Fursac tira son etimologia de Forum sacrum > Forsac > Fursac, es a dire luec sacrat, vila santa, çò qu'indicava que Furçac èra un centre de devocion. Una autra suggestion pretend que Fursac (fursa) ven de fur (« direccion » en germanic) e sa (« ciutat ») siá la ciutat de las direccions (7 direccions a Furçac)...

Es pus rasonable de creire qu'es coma los autres noms en -ac, format d'un nom de propietari gallo-roman e dau sufixe celtic -*ako, latinizat en -acum. Adara, demòra a trobar lo nom de persona.

Las tres atestacions dau sègle VII fan pensar aus divèrs Ferruçac : Ferruçac (Naut Léger), Ferruçac (Tarn e Garona), un autre près de Sent Maurin (Òut e Garona). Lo nom s'explica per Ferucius o Ferrucius segon Dauzat e Rostaing Albert Dauzat, Charles Rostaing, Dictionnaire étymologique des Noms de Lieux en France, p. 287, reedicion Librairie Guénégaud, 1984, a prepaus dau vilatge dau Naut Léger, per Ferrucius segon Paul Burgan e André Lafon Paul Burgan, André Lafon, Toponymie du Tarn-et-Garonne, Association Antonin Perbosc, 2006, p. 237, a prepaus del vilatge de la comuna de Recacòrn, per Ferruntius segon Ernèst Negre e los Féniés Bénédicte Boyrie-Fénié et Jean-Jacques Fénié, Toponymie des Pays Occitans, p. 121, Edicions Sud-Ouest, novembre 2007 per lo mesme vilatge. Lo passatge de *Ferruçac a Furçac se pòt explicar de doás faiçons : *Ferruçac > *Firruçac > *Firçac > Furçac (veire las atestacions Firruciac e Vicaria Firciacense); *Ferruçac > *Fruçac > Furçac (metatèsi de -r-); mas la prumièra explicacion es pus simpla e s'apieja sus las fòrmas ancianas.

La grafia Fursat de 1292 mòstra que la finala -ac fuguèt modificada en -at (t es una oclusiva sorda coma c), abans l'amudiment de la consonanta. I a plan de comunas lemosinas o auvernhassas que lor nom oficial es en -at, eretièr de -acum. Se tròba enquera d'exemples de noms en -ac prononciats -at en Gironda, Òut e Garona, etc.

Istòria

Administracion Lista daus maires

Intercomunalitat

Demografia

En la populacion èra de abitants.

Luecs e monuments thumb|290px|left|Las mairarias de Furçac.

Personalitats liadas a la comuna

Veire tanben Liams connexes

Liams externes

Nòtas e referéncias Nòtas

Referéncias

Categoria:Comuna de Cruesa Categoria:Comuna de Lemosin (Occitània)