Teissièras de Cornet IEO Cantal, Communes Cantal.xls.pdf o puslèu Taissièras de Cornet (vengut de taxus o de taxo, pas de téisser; Teissières-de-Cornet en francés) es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Geografia

Comunas vesinas 400px|left||Distanças e posicion relativa

Perimètre del territòri

Toponimia Taissièras. Las fòrmas ancianas son Taxeriœ, en latin, en 1289, Taissieras, en 1308, Taxeriœ de Corneto, en latin, en 1351, Texeriœ de Corneto, en latin, al sègle XIV, Tissieyra, en 1465, Taxerys de Corneto, en 1521, Tessieyriœ, en 1522, Teyssieyras, en 1531, Teyssières-de-Cornetz, en 1595, Teissières-de-Cornet, en 1627, Teyssières, en 1635, Teysières-de-Cornet, en 1670, Teissierex-de-Cornect, en 1673, Taissières-et-de-Cournet, en 1676, Teixières-de-Cornet, en 1688, Teyssières-de-Cornet, en 1694, Taissières, en 1701, Tissières-de-Cournet, en 1706 http://archives.cantal.fr/ark:/16075/a011351496862tnyptc. Taissièras vendriá del latin taxus, « tueis », amb lo sufixe -aria, puslèu que de taxo, « tais, taisson », segon Dauzat e Rostaing Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 670, a Tasso; seriá donc un luòc ont i a de tueisses. Astor causís taxo e Taissièra(s) auriá lo sens de « tuta de tais, taissonièra » , al plural (i a -s finala dempuèi las atestacions pus ancianas). Cossí que siá, la grafia es Taissièras e pas Teissièras (que seriá un derivat de téisser). Cornet. Las fòrmas ancianas son Cornetum, en latin, en 1521, Cornacum, latinizacion de 1556, Cornetz, en 1595, Cornet-de-Teyssière, en 1637, Cornec, en 1673, Cournet, en 1674, Cornet, en 1772 http://archives.cantal.fr/ark:/16075/a011351496855rEmYjL. Cornet seriá un derivat del latin cornu, « còrna (matèria, fòrma) », o d'un tèma pre-indoeuropèu supausat *corn-, derivat de *cor-, « escarpament, bauç » Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 212, a Corn.Mas Cornet sembla pas un oronime. Sournac. Las fòrmas ancianas son Soarnacum, latinizacion de 1466, Saurnac, en 1522, Sornac, en 1635, Sournac, à présent nommé Püecam, en 1673, Journac, en 1673, Soarnac, en 1674, Sornact, en 1676 http://archives.cantal.fr/ark:/16075/a011351496862ZhuA4d. Lo nom deu èsser lo meteis que lo de Saurnac (Corresa. Per la comuna lemosina, Dauzat e Rostaing fan derivar lo nom de Sorinus, amb lo sufixe -acum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 661, latinizacion del sufixe gallés -ācon, mas los Feniés, que coneisson l'atestacion de vèrs 1315, Saornac, causisson lo nom latin Saturnus, totjorn amb -acum Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 150. Saurnac, aqueste coma l'autre, èra donc probablament una anciana granda proprietat antica qu'aviá per mèstre Saturnus, s'es pas un transferiment. *Saturnācon, mena a *Sadornago, puèi a *Saornac, eventualament modificat en *Soarnac. Mas quenha es la prononciacion ? Puézac. Las fòrmas ancianas son Mansus de Puasac, en 1466, Puezacum, Puesacum, latinizacions de 1522, Peizac, en 1620, Puéjac, en 1622, Puyac, en 1665, Puézac, en 1691 http://archives.cantal.fr/ark:/16075/a0113514968616WiQOM. Le Quiers. Las fòrmas ancianas son Lo Quier, en 1351, Lou Quyer, en 1531, Elquié, en 1635, Lou Quié, en 1665, Elhié, en 1701, Louquier, en 1728 http://archives.cantal.fr/ark:/16075/a011351496861ARLtZh. Lo Quièr sembla ben èsser un derivat de carium, fòrma que seriá venguda d'una lenga pre-indoeuropèa (*kar-, « pèira, ròc ») Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 552Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 40. Istòria

Entre 1790 e 1794, Taissièras auriá annexat Cornet http://cassini.ehess.fr/cassini/fr/html/fiche.php?select_resultat=37190 Administracion

Taissièras de Cornet siaguèt successivament dels cantons d'Orlhac, en 1793, d'Orlhac-sud, en 1801, d'Orlhac-1, en 1973, de Jussac, en 1985 e, dempuèi la refòrma cantonala de 2014, aplicada en 2015, la comuna es del canton de Naucèla. Demografia

Luòcs e monuments

Personalitats ligadas amb la comuna

Véser tanben

Ligams extèrnes

Nòtas e referéncias Nòtas

Referéncias

Categoria:Comuna d'Auvèrnhe (Occitània) Categoria:Comuna de Cantal Categoria:Comuna d'Occitània