Sent Urcisi, Sent Urcise, o Sent Rocise [sen(t) Ruʃize]https://www.youtube.com/watch?v=FKyZ-k8ViUg&list=WL&index=2 (Saint-Urcize en francés) es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.
Segon Joan Francés Blanc, la comuna parla lengadocian mas confronta l'auvernhathttps://commons.wikimedia.org/wiki/File:Langues_en_Auvergne-Rh%C3%B4ne-Alpes.svg.
Geografia
Perimètre del territòri
Toponimia Las fòrmas ancianas son Sanctus Ursizius, en latin al sègle XI, Sanctus Urcisius, en latin en 1297, Sanctus Urcisius e Sanctus Urcissus en latin al sègle XIV, Sainct-Orcize, en 1494, Sainct-Urcize, en 1662, Sainct-Urcisse, en 1668, Sainct-Urcizes, 1730 http://archives.cantal.fr/ark:/16075/a0113514968622onxdE. Son eissidas del nom de sant Ursicinus que foguèt avesque de Caors al sègle VI. L'accent tonic a reculat. Lo nom s'explica per la participacion del sant al IVen Concili d'Auvèrnhe en 590 Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 631https://nominis.cef.fr/contenus/saint/9977/Saint-Ursicin.html. I a d'autres luòcs que pòrtan lo nom d'aquel sant o d'un sant omonime (i a sèt sants Ursicinus, dont l'avesque de Caors mòrt en 585) : Sent Ocesi dins la comuna de Truèjols, en Carcin, una paròcha de Caors, una comuna près de Puègmiròl, Sent Orsisi e una comuna tarnesa, Sent Orsesi.
La fòrma Sent Rocise presentada dins un document toristicopoetic es pas impossibla (Orcise > Rocise), mas Sent Ròc (!) es un sunhe alimentat per un simple rencontre fonetic (lo garisseire de la pèsta al sègle XIV https://nominis.cef.fr/contenus/saint/1678/Saint-Roch.html es pas l'avesque del sègle VI !). La prononciacion est [sentyr'size] a Sent Remise, [sentyr'sizə] a Jabrun, [santur'size] a Las Vèrjas e a Recoletas, comuna de Recola d'Aubrac e [sentyr'sizi] dins la comuna. L'informatritz, naissuda a La Trinitat, pòt pas aver inventat aquel -i final atòn e se l'auvernhàs refusa i dins aquela posicion, Sent Urcisi e la Trinitat son près dels parlars roergasses e gavaudaneses que l'accèptan ([ar'kɔmi] als Monts Verds).
Coma explicar l'evolucion de Ursicinus, accentuat sus ci, la tresena sillaba, amb una vocala longa Paul Burgan, André Lafon, Toponymie du Tarn-et-Garonne, Association Antonin Perbosc, 2006, p. 174, a de fòrmas del tipe Urcisi / Orcesi / Orsesi, accentuadas sus la segonda sillaba ? Burgan e Lafon, que tractan del vilatge carcinòl, refutan l'explicacion de Negre, que pensa que lo nom es tractat coma *Ursicius, accentuat sus -si-. Explican que i a un martir [donc pas l'avesque de Caors] nommat Urcisinus, ambe la sillaba -ci- tonica, çò que règla lo problèma (la finala dispareis dins l'evolucion fonetica). Coma aquel accident interven tanben per l'avesque de Caors, es benlèu pus simple de dire que lo nom Ursicinus en general a coneissut, al mens en occitan, una metatèsi acompanhada de reculament d'accent. Aquela istòria complicada explica tanben que la codificacion del nom esita entre Orsi- e Orci-.
Istòria S'i tenguèt lo IVen Concili d'Auvèrnhe en 590 que Ursicinus, avesque de Caors, i participèt. Administracion
Davant la refòrma cantonala de 2014, aplicada en 2015, la comuna èra del canton de Chaldasaigas; es ara del canton de Nòvaglèisa.
Demografia
Luòcs e monuments
Personalitats ligadas amb la comuna
Veire tanben
Ligams extèrnes Lo conte de las tres liuras de charn collectat a Sent Rocise.
Nòtas e referéncias Nòtas
Referéncias
Categoria:Comuna d'Auvèrnhe (Occitània) Categoria:Comuna de Cantal