Eila (Isle en francés) es una ribiera occitana dau sud-oest de França (regions de Lemosin e d'Aquitània).
Etimologia
Eila a per origina lo preceltic °Ela o lo celtic Ilā Xavier Delamarre, Noms de lieux celtiques de l'Europe ancienne, ed. Errance, 2012, p. 164 e 350; versemblablament, perqué i a daus noms aparentats en Granda Bretanha que donet mai d'un nom de cors d'aiga (Elle, Ill, Ille,...). L'omonimia entre Eila e Isla, plan anciana (en Perigòrd dialectalament lemosin, i- iniciala es pus sovent prononçada ), es a l'origina de la grafia francesa.
Geografia
La font d'Eila se tròba en Lemosin (departament de Nauta Vinhana, au sud dau vilatge de Rongeras (comuna de Janalhac) per 375 m d’altitud. Son cors es de 255 km, dont 87 km de navegar (aura en mai d'una seccion). Se junh a Dordonha en Liborna. Sa penda mejana es de 1,56 m/km. Tot lo bacin es de clima oceanic. Lo movement de la marea se fai sentir jurca Savinhac d'Eila, lo flux monta enquera una dotzena de quilomètres mai amont devers Cotràs.
Idrologia
Lo 3 de genier de 1994, l'estacion idrologica de Cotràs enregistret un debit maximau jornalier de 837 m/s.
Departaments e localitats asaigats
Nauta Vinhana : Lu Chaslar Dordonha : Jumilhac lo Grand, Cornhac d'Eila, Savinhac de las Gleisas, Perigüers, Colonhés e Champs Niers, Sench Astier, Nuòuvic, Moissídan, Montpaun e Menestairòu Gironda : Cotràs, Liborna
Afluents principaus
Loa Auvesera Manoire Vern Beurona (tres rius son nomenats entau) Cremsa Ducha Drona Corbarieu Sàia
Ligams externes
Categoria:aiga d'Occitània Categoria:Bacin de Dordonha Categoria:aiga de Nauta Vinhana Categoria:aiga de Dordonha Categoria:aiga de Gironda Categoria:aiga navegabla