En temps de carnaval (demest los mai celèbres i a lo de Limós), se sòl cantar una cançon mentre que se crema un personatge que representa lo mal (se sona Palhassa dins lo País de Montpelhièr, Caramentran endacòm mai).
Aquesta cançon que coneis fòrça variantas en foncion dels luòcs se sona: Adieu Paure Carnaval. Aquí mai d’una varianta de la cançon :
Version cantada a Limós
Adieu paure, adieu paure Adieu paure Carnaval Tu te'n vas e ieu demòri Adieu paure Carnaval.
Le buòu canta, l’ase dança Le moton ditz la leiçon E la lèbre canta l’crèdo E l’aucèl ditz le pater.
Catarina la pissosa Pòrta la civada als buòus E de blat a las galinas Si vòls que te fasquen d’uòus.
La joinessa fa la fèsta Totis les qu’i èm ongan E las filhas fan las còcas Per celebrar Carnaval.
Pòt pas beure, pòt pas beure Pòt pas beure qu’es bandat A manjat tròp de salsissa E de cambajon salat.
Repic
Adieu paure, adieu paure Adieu paure Carnaval Tu te'n vas e ieu demòri Per manjar la sopa d’alh
Version del país de Montpelhièr
Carnaval es un Joan fotre Que nos fa manjar d'argent L'enviarem se faire fotre Duscas l'annada que ven
Adieu paure, adieu paure Adieu paure Carnaval As manjat tròp de saucissa E de cambajon salat
Adieu paure, adieu paure Adieu paure Carnaval Tu te'n vas e ieu demòre Per manjar la sopa d'alh.
Version cantada en Provença
Refrin Adieu paure, adieu paure, Adieu paure Carnaval
Carnaval èra un bòn òme Qu’avié fach son testament. (bis)
Aviá ren laissat a sa frema, Encar mens a seis enfants. (bis)
Tu te’n vas e ieu me laissas Ambé lei borsons curats. (bis)
Tu te’n vas e ieu demòri Per manjar la sopa d’alh (bis)
Tu te’n vas e ieu m’entòrni Adieu paure Carnaval. (bis)
Una autra varianta
Adieu paure, adieu paure, Adieu paure Carnaval Tu te'n vas e ieu demòri Adieu paure Carnaval
Tu te'n vas e ieu demòri Per manjar la sopa d'alh Per manjar la sopa d'òli Per manjar la sopa d'alh
Adieu paure, adieu paure, Adieu paure Carnaval La joinessa fa la fèsta Per saludar Carnaval
La Maria fa de còcas Amb la farina de l'ostal Lo buòu dança, l'ase canta Lo moton ditz sa leiçon La galina canta lo Credo E lo cat ditz lo Pater
La cançon e los cantaires occitans
Aquesta cançon es estada cantada per maites cantaires, o grops, occitans coma Patric, Gacha Empega, Coròu de Berra, Jan Mari Carlotti, Patrick Vaillant, Lo Seriòl etc...
La melodia de la cançon foguèt emplegada tanben en França per servir de generic a un programa sonat Bonne nuit les petits amb un personatge sonat Nounours.
Ligams extèrnes Portal de musica tradicionala del País de Niça Portal de Mamalisa amb fòrça cançons, breçairòlas tradicionalas e sa musica Sit ric de totas las variantas e variacions que se pòdon trobar sus la cançon Paraulas e recordar sus 100chansonsdeprovence.com
Categoria:Carnaval Categoria:Cant tradicional occitan