Lo lituanian o lituan (autonim: lietuvių kalba, ) es una lenga baltica parlada en Lituània, ont es la lenga oficiala. Ten aperaquí 3 milions de locutors natius. Es tanben una de las lengas oficialas de l'Union Europèa dempuèi l'adesion del país lo 1r de julh de 2004.
Classificacion
Lo lituanian es una de las doas lengas balticas amb lo leton qu'an subreviscut fins uèi. Lo prussian ancian, la tresena lenga baltica coneguda se moriguèt pendent lo sègle XIX. Las lengas balticas an son grop pròpri que forma una branca distinta dins la familha de las lengas indoeuropèas.
Distribucion geografica
Lo lituanian se parla essencialament en Lituània. Es tanben parlat pels lituanians que vivon en Bielorussia, Letònia, Polonha e Russia. Es estat exportat per las comunitats emigrantas en Argentina, Austràlia, Brasil, Canadà, Estònia, Islàndia, Irlanda, Russia e als Estats Units d'America.
Qualques mots de lituanian
Lituanian (adj.): Lietuviškai la lenga lituaniana: lietuvių (kalba) Adieu (d'arribada, informal): labas Adieu, al còp que ven (informal): iki! Per plaser: prašau Mercé: ačiū Òc: taip Non: ne Perdon: atsiprašau Non compreni pas: nesuprantu
Referéncias Categoria:Inventari de lengas Categoria:Lenga baltica Categoria:Lenga oficiala de l'Union Europèa