Castèlnòu de Montmiralh (Castelnau-de-Montmiral en francés) es una comuna lengadociana en País d'Albi situada dins lo departament de Tarn e la region d'.
Geografia
Perimètre del territòri
Toponimia Castèlnòu. Lo nom es citat en 1257, de Castro novo. Ambe castèl, mot vengut del latin castellum (e abans de castrum), l'adjectiu nòu, de novum, e sas fòrmas pus evolucionadas nau e nuèu, es lo que se tròba mai sovent en toponimia Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 154. En mai del sens literal, lo nom de castèlnòu/castèlnau designava de pichonas aglomeracions apiejadas sus una fortalesa que las aparava, de borgs castrals medievals (sègles XI a XIII) Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 226 qu'estudièt per exemple Benoît Cursentehttp://www.persee.fr/doc/ccmed_0007-9731_1984_num_27_105_2261_t1_0166_0000_3. Montmiralh a lo sens de mirador Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 248.
Istòria Tot a l'entorn de la selva de Gresinha son levadas de pèiras de l'Edat del Bronze e Oppidums/Oppida (plaças fòrtas) de l'Edat de la Pèira. La bastida albigesa foguèt fondada en 1222 per Ramon VII, comte de Tolosa. Son nom primitiu èra Castellum Novum Montis Mirabilis.
Pendent la Guèrra de Cent Ans, los angleses menats pel prince Negre, envasiguèron Albigés en 1345. Mas se retirèron sens se riscar d'atacar la vila... Pendent las guèrras de religion, Castèlnòu de Montmiralh aderiguèt pas jamai al protestantisme e aculhissiá los catolics de Galhac, qu'èran forabandits de la vila pels protestants majoritaris. En genièr de 1587, una ataca del capitani protestant Borniquèl foguèt rebutada. Segon la legenda, una femna que tornava de posar d'aiga a la font del Teron auriá donat l'alèrta. Loís XIII passèt a Castèlnau de Montmiralh le 24 de junh de 1622, lotjat dins l'ostal de "Totnac". Foguèt tanben l'ostal de la celèbra familha Privat.
Administracion
Abans la refòrma cantonala de 2014, aplicada en 2015, la comuna èra canton; es ara del canton de Vignobles et Bastidas (en francés), donc Vinhals e Bastidas.
Demografia
Luòcs e monuments thumb|left|Cròtz reliquaire, començament del sègle XIV
Vilatge classat coma "mai bèl vilatges de França" Plaça de las Arcadas amb lo pilòri Glèisa de Nòstra Dama de l'Assompcion (campana de 1554) Pòrtas fortificadas (Portas dels Garrics, de Tolza) Ostals de pèira e de colondrat muralhas Castèl de Gaita roïnat en 1819 que se trapa dins l'escut del vilatge Cròte reliquaire dicha de Montmiralh, de 1341. De Glèisas e capèlas dins los caps (de Sant Martin, de Sant Jiròni, de Brunhac...) De castèls sul territòri de la comuna: Corduriés, Fesembat, Masièras, Meiragas De sosterrens refugi Selva de la Gresinha
Cultura Lo vilatge foguèt visitat per Jean-Paul Sartre e Simone de Beauvoir. Dins la seria americana Smallville, la familha de Lana Lang es originària de Castèlnòu de Montmiralh.
Veire tanben Comunas de Tarn
Ligams extèrnes Site de la vila Comitat Departamental de Torisme du Tarn Castèlnòu de Montmiralh sul site de l'IGN
Nòtas e referéncias
Categoria:Comuna del País d'Albi Categoria:Comuna de Tarn Categoria:Comuna de Lengadòc Categoria:Airal de l'AOC del galhac