Baudissinbreen er ein isbre på nordsida av Heardøya i det sørlege Indiahavet. Han ligg kring 2 km vest for Challengerbreen og er 3 km brei. Han flyt ut i vestlege delen av Corinthian Bay. Fronten av Baudissinbreen ligg på vestsida av Corinthian Bay, ved Sealers Cove. Aust for Baudissinbreen ligg Challengerbreen, som endar på austsida av Corinthian Bay, like vest for Saddle Point. Sør for Baudissinbreen ligg Schmidtbreen og i nordvest Atlas Cove. Kildalkey Head ligg vest for Schmidtbreen. Sør for Schmidtbreen ligg Vahselbreen, som endar i South West Bay, mellom Erratic Point og Cape Gazert. Like sør for Vahselbreen ligg Allisonbreen.
Baudissinbreen vart først skissert i dei vitskaplege rapportane frå ekspedisjonen til HMS «Challenger» i 1874 langs nordsida av øya. Den tyske antarktisekspedisjonen under Erich von Drygalski i 1901–03 synte ein enkelt, stor isbre som flaut ut i Corinthian Bay og namngav denne etter admiral grev Friedrich Baudissin, ein sponsor for ekspedisjonen. I 1948 oppdaga ANARE (Australian National Antarctic Research Expeditions) at det var meir enn ein isbre som munna ut i Corinthian Bay. Australian Antarctic Names and Medals Committee (ANCA) tilrådde i 1954 at Baudissinbreen vart nytta som namn på den vestlegaste og største av desse isbreane.
Kjelder
Denne artikkelen bygger på «Baudissin Glacier» frå , den 28. desember 2013. oppgav desse kjeldene:
Bakgrunnsstoff Klikk her for å sjå eit kart over Heard- og McDonaldøyane Australian Antarctic Division Australian Antarctic Gazetteer Composite Gazetteer of Antarctica Australian Antarctic Names and Medals Committee (AANMC) Scientific Committee on Antarctic Research (SCAR)
Kategori:Isbrear på Heard- og McDonaldøyane