Utah er ein delstat i Sambandsstatane som har Salt Lake City som hovudstad. Delstaten ligg vest i landet og grensar mot Idaho i nord, Wyoming i nordaust, Colorado i aust, New Mexico i søraust, Arizona i sør og mot Nevada i vest. Landskapet er steinete og sett saman av tre ulike geologiske område: Rocky Mountains, Great Basin og Colorado-platået. Namnet «Utah» er eit ute-indiansk ord som betyr 'folket frå fjella'.
Utah er kjend for å ha mange mormonarar som innbyggjarar, og mykje av den moderne delstatshistorien er knytt til det religiøse samfunnet Siste dagars heilage.
Kategori:Delstatar i USA