Erlend Østgaard () er ein norsk fysikar.
Han tok dr. ing. i 1965 og dr. techn. i 1970 ved NTH i Trondheim. Han var NORDITA-stipendiat ved Niels Bohr Institutet i København frå 1965 til 1967 og forskar ved universitet i USA og Tyskland frå 1967 til 1972. Frå 1972 til 1991 var han førsteamanuensis ved Universitetet i Trondheim og frå 1991 var han professor i fysikk same stad.
Østgaard har arbeidd med kvantisert skildring av væsker og faste stoff, som spinnpolarisert hydrogen, fast og flytande helium, materie i atomkjernar, nøytronstjerner og kvarkstjerner. Han har òg studert mekanismar for korleis pulsarar sender ut røntgenstråling og gravitasjonsbølgjer.
Kjelder Erlend Østgaard. (27.02.2013) I Store norske leksikon. Henta frå: http://snl.no/Erlend_%C3%98stgaard
Kategori:Folk frå Namsos Kategori:Norske fysikarar Kategori:Norske fysikkprofessorar Kategori:Professorar ved NTNU Kategori:Fysikarar på 1900-talet