Nuorttanaste ('Auststjerna') er det eldste samiske bladet som framleis kjem ut, frå 1898. Det vart gjeve ut av Den evangelisk-lutherske frikyrkja. Den første redaktøren var Gustav F. Lund frå Talvik.
Nuorttanaste blir redigert etter Friis-rettskrivinga, rettskrivinga til Bibelen frå slutten av 1800-talet. Då Bergsland-Ruong-rettskrivinga kom ut gjekk også Nuorttanaste over til den rettskrivinga, men på grunn av protestar gjekk dei attende til Friis-rettskrivinga. I dag blir ein del artiklar skrive på 1979-rettskrivinga, men for det meste er det Friis si rettskriving som gjeld.
I dag kjem Nuorttanaste ut i Karasjok som eit samarbeid mellom Frikyrkja og Norges Samemisjon.
Redaktørar i Nuorttanaste
Gustav Fridtjof Lund 1898–1912 Ole A. Andersen 1912–16 Henrik Olsen Heika 1915–48 Anders Guttormsen 1948–60 Jon O. Nilsen 1960–92 Ann Solveig Nystad 1992–2003 Olaug Balto Larsson 2003–13 Liv Tone Boine
Litteratur
Somby, Katri 2010: Nuorttanaste – vuoiŋŋalaš bláđđi vai sámi servvodatguoddi? Sámi dieđalaš áigečála 2:59-75.
Bakgrunnsstoff Nettstaden til Nuorttanaste (arkivert utgåve) Nuorttanaste ved Finlands nasjonalbiblioteket
Kategori:Samiske tidsskrift Kategori:Norske tidsskrift Kategori:Skipingar i 1898 Kategori:Nordsamiske utgjevingar