OVO er eit musikkalbum med musikk frå Millennium Dome-showet i London som var komponert av den engelske rockemusikaren Peter Gabriel. Det var det ellevte albumet hans totalt. Det kom ut 12. juni 2000 med gjestevokal av Neneh Cherry, Rasco, Richie Havens, Elizabeth Fraser og Paul Buchanan (frå The Blue Nile). Det kom ut to versjonar av albumet, ein standard versjon som vart seld i butikkar og ein avgrensa luksusversjon som berre vart seld ved Millennium Dome og petergabriel.com. Luksusutgåva var ikkje mogeleg å få tak i etter 2000. Denne inneheldt ei teikneseriebok som fortalte soga om OVO og ei bonusplate med sporet «The Story of OVO».
Gabriel framførte «Father, Son», «The Tower That Ate People», «White Ashes» og «Downside Up» i løpet av turneane Growing Up og Still Growing Up. Melanie Gabriel song korvokal for «Downside Up». Desse framføringane finst på DVD-ane Growing Up Live og Still Growing Up: Live & Unwrapped. «Downside-Up» og «The Nest That Sailed The Sky» vart òg framførte på The New Blood-turneen i 2010 og 2011, den førstnemnde som ein duett mellom Peter og Melanie Gabriel og den siste som avslutning, berre framført av orkesteret. «Father, Son» vart òg spelt. «The Tower That Ate People» finst på DVD-en Back To Front Live In London frå 2014.
Innhald
Medverkande
Peter Gabriel Brian Transeau Paul Buchanan Richard Evans Manu Katché Tony Levin Hossam Ramzy David Rhodes Shankar Assane Thiam Jim Barr Jim Couza Sussan Deyhim Markus Dravs Nigel Eaton Simon Emmerson Kudsi Erguner Elizabeth Fraser Steve Gadd Stuart Gordon Will Gregory Alison Goldfrapp Johnny Kalsi Ged Lynch James McNally Jocelyn Pook Jacquie Turner Richard Chappell Alan Coleman Edel Griffith Adzido Pan African Dance Ensemble Electra Strykarar Iarla Ó Lionáird Neneh Cherry Richie Havens Omi Hall
Kjelder Denne artikkelen bygger på «OVO» frå , den 5. februar 2013. oppgav desse kjeldene:
Kategori:Peter Gabriel-album Kategori:Album produserte av Peter Gabriel Kategori:Konsertalbum frå 2000 Kategori:Real World Records-album