Thore Larsson Braut () var ein norsk lærar, gardbrukar og stortingsmann frå Klepp. Han representerte Venstre på Stortinget.
Braut var son til ein gardbrukar på Braut i Klepp. Sjølv tok han sersjanteksamen i 1898, og etter ein ny eksamen to år seinare var han sersjant i saniteten. Etter å ha teke eksamen ved Elverum lærarskule i 1903, var han lærar ved ein amtsskule i to år. I 1906 tok han over farsgarden og vart same året tilsett lærar ved Jæren Folkehøgskule. I 1915 vart han vald til formann i Norigs Folkehøgskulelærarlag.
Braut var varaordførar i Klepp frå 1910, deretter ordførar 1913-16. Dei to valbolkane frå 1913 til -18 representerte han einmannskrinsen Jæderen og partiet Venstre på Stortinget. Han var medlem av jarnbanekomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1913-1915 Kategori:Stortingsrepresentantar 1916-1918 Kategori:Stortingsrepresentantar frå Venstre Kategori:Stortingsrepresentantar for Stavanger amt Kategori:Ordførarar i Klepp Kategori:Venstreordførarar i Rogaland Kategori:Norske lærarar Kategori:Norske gardbrukarar Kategori:Folk frå Klepp