Norges Bygdekvinnelag er ein organisasjon som arbeider for å styrke kvinnene sine interesser og for interessene for lokalsamfunnet. Organisasjonen vart oppretta som Norges Bondekvinnelag i 1946 ved at han vart skilt ut frå Norges Bondelag. Han samla den gongen fylkesvise bondekvinnelag i ein nasjonal organisasjon. Organisasjonen endra namn til det noverande namnet i 2002. Laget har 11 000 medlemmer fordelte på 18 distriktsslag og over 430 lokallag.
Norges Bygdekvinnelag er spesielt opptatt av kvinner som har tilknyting til primærnæringane. Det er òg del av ei internasjonal rørsle gjennom medlemskap i Associated Country Women of the World.
Organisasjonen er opptatt av berekraftig forvalting av naturressursane og bidrar i til det gjennom medlemskap i Grønn Hverdag.
Kjelder
Bakgrunnsstoff
Kategori:Norske organisasjonar Kategori:Skipingar i 1946