Edvard Jacobsen Bjorlivold () var ein norsk treskjerar frå Lesja i Gudbrandsdalen. Han er òg kjend under namnet Edvard Jacobsen.
Liv Edvard Bjorlivold var fødd på Holun på Lesjaskog i 1868 i ein søskenflokk på sju av foreldre Jakob frå Liaholen og Marit Rolvsdotter frå Sletta-Brekka.Lesja bygdebok, band 1 s. 232 Faren var forkynnande haugianar. Han vart gift med Enetta Eriksddotter Lykkeslet (1876-1946). Dei fekk ingen born. I 1896 kjøpte han garden Bjorlivoll.
Læring og utvikling Han tok vinteren 1886/87 eit 6-månaders kurs i treskjering på Sør-Skotte på Lesja. Kurset vart gitt av Hans L. Lindsø som i 1903 vart lærar på Hjerleid Husfidsskule.
Arbeid Edvard Bjorlivold arbeidde ulike prydgjenstandar som skrin og ambar. Han laga òg større utskorne skåp. Mellom anna vann han ei sølvmedalje på Verdsutstillinga i Paris for ein kråskåp i 1900. Ein viktig del av arbeidet var å finne gode treemne. Det meste av det han laga vart omsett direkte i bygda, men han selde òg gjennom Husfliden.
Prisar og utmerkingar 1887, Oscar 2. sølvmedalje, Trondheim 1889, to bronsemedaljar, Verdsutstillinga i Paris 1897, diplom frå Kunst- og industriutstillinga i Stockholm 1900, sølvmedalje og diplom, Verdsutstillinga i Paris 1910, sølvmedalje, Landbruk-, skog- og indudtriutstillinga på Gjøvik 1914, sølvmedalje, Jubileumsutstillinga på Frogner
Kjelder Årbok for Lesja 2011, Lesja historielag Årbok frå Gudbrandsdalen 1986
Referansar
Kategori:Norske kunstnarar Kategori:Norske treskjerarar Kategori:Folk frå Lesja