Herman Günther Grassmann () var ein tysk matematikar og språkforskar og var ein av grunnleggarane av vektor- og tensoranalysen.
Det matematiske hovudverket hans, Die Ausdehnungslehre, kom ut i 1844, og seinare i fleire utbetra utgåver. Framstillinga var derimot tung, og teoriane hans vakte liten interesse blant matematikarane medan han levde. Dei samla matematiske verka hans kom ut i tre bind frå 1894 til 1911. Hovudverket hans innan indologien var Wörterbuch zum Rig-Veda frå 1873. Grassmann oppdaga reglane for dissimilasjon av aspirerte konsonantar i indisk og gresk, kalla Grassmannlova.
Kjelder Herman Günther Grassmann. (2011-11-18) I Store norske leksikon. Henta frå http://snl.no/Herman_Günther_Grassmann
Kategori:Folk frå Szczecin Kategori:Algebraistar Kategori:Tyske språkforskarar Kategori:Tyske matematikarar Kategori:Tyske fysikarar Kategori:Matematikarar på 1800-talet