Jan Inge Sørbø () på øya Bru i Stavanger kommune, er ein norsk litteraturvitar, forfattar og journalist, no tilsett som professor ved Høgskulen i Volda.

Sørbø er utdanna ved Universitetet i Bergen, der han tok hovudfag i litteraturvitskap i 1982. I 1998 avla han doktorgraden på Arnold Eidslott og Theodor W. Adorno. I tillegg til å undervise ved Høgskulen i Volda er han framleis ein aktiv skribent i pressa og med bøker.

Sørbø debuterte skjønnlitterært i 1986 med diktsamlinga Lågt skydekke. Han har gitt ut fire diktsamlingar og romanen Til Elise, i tillegg dei biografiske romanane Alexander om Alexander Kielland og Symfoni No. 3, opus 41 om Fartein Valen. Han har skrive biografiar om filosofen Hans Skjervheim, lyrikaren Olav Aukrust og forfattaren Arne Garborg, i tillegg til analysar av forfattarskapa til Arnold Eidslott, Alfred Hauge, Ronald Fangen og Alexander Kielland. Sørbø har elles interessert seg for fenomen som vekkingskristendom og New Age, og har skrive bøker om nyreligiøsitet.

Bøker Romanar Alexander, 1991 Til Elise, 1998 Symfoni No. 3, opus 41, 2006

Diktsamlingar Lågt skydekke, 1986 Babettes gjester, 1988 Blåmalar og litt lakkerar, 1993 Den sjette timen, 1997

Faglitteratur Blomsterbarn i kyrkja, 1985 Svar til ein sjaman. New Age, overmennesket - og ei kyrkje på flukt, 1988 Offentleg samtale. Presse-etiske grunnspørsmål, 1991 Kva er god kommunaljournalistikk? 1993 Essay om teologi og litteratur, 1994 "Høstet på himlens skråninger". Sju essay om Arnold Eidslott, 1996 "Over dype svelg". Eit essay om Ronald Fangens aktualitet, 1999 Angen av bork og ein brennande einerbusk. Om Alfred Hauges forfattarskap, 2001 Hans Skjervheim. Ein intellektuell biografi, 2002. Frå gamle fjell til magma. Linjer i nynorsk lyrikk, 2004 Kielland som melodramatikar, 2005 Ørneflukt og ormegard. Ein biografi om Olav Aukrust, 2009 Lyset frå fars ansikt. Refleksjonar ved livets slutt, 2010 Arne Garborg. Frå bleike myr til alveland, 2015 Nynorsk litteraturhistorie, 2018

Kjelder Denne artikkelen bygger på «Jan Inge Sørbø» frå , den 5. juli 2011.

Bakgrunnsstoff

Om Sørbø på Gyldendal Aftenposten Dagbladet

Kategori:Norske romanforfattarar Kategori:Norske lyrikarar Kategori:Norske sakprosaforfattarar Kategori:Professorar ved Høgskulen i Volda Kategori:Norske litteraturhistorikarar og kritikarar Kategori:Vinnarar av Melsom-prisen