Michael Djurhus Prahl () var ein kjøpmann, proprietær og stortingsmann frå Haus i Hordaland. Han var far til Ferdinand Prahl.
Folketeljinga frå 1801 viser at Prahl var «Kiøbmands karl» i Bergen og losjerte hos kjøpmann Hendrich Jansen Fasmer. Frå 1806 var Prahl kjøpmann i Bergen, då han vart eigar av firmaet J. H. Fasmer & Søn. Han skaffa seg mykje jordegods i bygdene i Midthordland, samt handelsstaden Glesvær i Sund. I fleire år var han medlem av formannskapet i Bergen.
Prahl var 1. representant frå Bergen på Stortinget i 1818. Han var medlem av 13 komitear. Mellom anna var han medlem av komiteen om bank- og pengestellet, samt av budsjettkomiteen.
Han døydde i Bergen i 1851.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske forretningsfolk Kategori:Norske godseigarar Kategori:Stortingsrepresentantar 1818-1820 Kategori:Stortingsrepresentantar for Bergen Kategori:Folk frå Osterøy Kategori:Folk frå Bergen