Axel Winge () var ein norsk skipsreiar, dispasjør og stortingsmann frå Christiania.
Winge var son til ein meklar. Åra 1839-42 var han ved ein handelsskule i Altona. Sidan var han i tre år på eit handelskontor i Christiania, og eitt år i Alger. Frå 1848 arbeidde han som translatør i Christiania. Etter å ha drive reiarverksemd i lag med ein bror, byrja han i 1866 som dispasjør. Året etter stifta Skibsassuranseforeningen Christiania, som han styrte til han døydde. Børskommissær frå 1869. Han var ein av stiftarane av Kristiania handelsgymnas. I 1881 var han medlem av kommisjonen om forsikringsselskap, året etter utnemnd til medlem av den skandinaviske kommisjonen om sjøfartslova.
Winge var 3. representant for Kristiania, Hønefoss og Kongsvinger på Stortinget 1889-91, vald for Høgre. Han var medlem av Lagtinget og næringskomite nr 2.
Han døydde i hovudstaden i 1893.
Kjelde Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1889-1891 Kategori:Politikarar frå Oslo