The Firm var ei supergruppe frå England som bestod av tidlegare Free- og Bad Company-songar Paul Rodgers, tidlegare Led Zeppelin-gitarist Jimmy Page, tidlegare Uriah Heep- og Manfred Mann's Earth Band-trommis Chris Slade og bassist Tony Franklin. Page og Rodgers ønskte opphavleg tidlegare Yes-trommeslagar Bill Bruford og bassisten Pino Palladino i gruppa. Bruford hadde derimot kontrakt med eit anna selskap og Palladino var oppteken med å turnere med Paul Young.
Både Page og Rodgers nekta å spele songar frå sine tidlegare band og spelte heller nye Firm-songar og songar frå soloalbuma sine. Dei nye songane hadde ein soul-aktig og kommersiell stil. Den siste songen frå The Firm, «Midnight Moonlight» var opphavleg ein Led Zeppelin-song dei aldri gav ut, kalla «The Swan Song». Dette fekk somme kritikarar til å meine at Page hadde gått tom for idear. Etter bandet vart oppløyst gjekk Page og Rodgers attende til solokarrierane sine, medan Chris Slade vart med AC/DC og Franklin slo seg saman med gitarist John Sykes i Blue Murder.
Bandmedlemmar Paul Rodgers - solovokal, rytmegitar, akustisk gitar Jimmy Page - solo- & rytmegitar, akustisk gitar Tony Franklin - bass, klaverinstrument, synthesizer Chris Slade - trommer, perkusjon, korvokal
Diskografi Album The Firm (1985) Mean Business (1986)
Kjelder Denne artikkelen bygger på «The Firm (rock band)» frå , den 28. mars 2011.
Kategori:Engelske rockegrupper Kategori:Supergrupper Kategori:Jimmy Page Kategori:Musikkgrupper skipa i 1984 Kategori:Musikkgrupper oppløyste i 1986 Kategori:Musikkgrupper frå 1980-talet