Poyangsjøen (kinesisk skrift 鄱阳湖, pinyin Póyáng Hú), som ligg i provinsen Jiangxi, er den største ferskvassinnsjøen i Folkerepublikken Kina. Han har eit overflateområde på 3 585 km² og eit volum på 25 km³. Avhengig av regntida varierer arealet frå 1 000 km² til 4 400 km². Tidleg i 2012 gjekk arealet heilt ned til 200 km² på grunn av tørke, sanduttak og lagring av vatn i Tre kløfter-demninga. Største lengde er 170 km og på det breiaste er han 17 km. Gjennomsnittsdjupna er åtte meter.
Elvane Gan og Xiu renn ut i innsjøen. Dei er knytte til Chang Jiang ved ein kanal.
Innsjøen gir habitat for ein halv million trekkfuglar, av 124 artar. Han er ein viktig vinterhabitat for den truga tranearten snøtrane. I alt 224 km² av habitatet har Ramsar-vern, og området har 45 pattedyrartar og om lag 80 amfibiar.
Kjelder
Denne artikkelen bygger på «Poyangsjøen» frå , den 25. mars 2011.
Bakgrunnsstoff Global Nature Fund.
Kategori:Innsjøar i Kina