Vilhelm eller Wilhelm Sandberg () var ein norsk prest og stortingsmann frå Onsøy.
Sandberg var fødd på Onsøy prestegard som son av prost Ole Rømer Aagaard Sandberg og Jørgine Susanne Flood. Faren døydde då han var åtte år, og han vart deretter oppfostra hos major Christian Sørly på Elingaard i Onsøy.
Han vart student i 1827 og cand. theol. i 1834. I desse åra pleia han nært vennskap med Henrik Wergeland og var mellom anna aktiv i «Stumpefeiden». Etter å ha vore huslærar og kapellan i Kristiansand fekk han i 1847 stilling som sokneprest i Lenvik. I 1853 flytta han til tilsvarande embete i Skjerstad, eit embete han styrte til han døydde.
Sandberg var 2. varamann til Stortinget 1857-58 for Finmarkens amt. Han var 3. representant for Nordlands amt på Stortinget i 1868-69, medlem av Lagtinget og næringskomite nr 1. Han var ordførar i Skjerstad 1863-66.
Sandberg var gift med Christiane Andrea Nyegaard. Dei fekk fem barn: Theodor, Caroline, Jørgine, Peter Christian og Wilhelmine. Han døydde på prestegarden i Skjerstad i 1871, og vart gravlagd på Skjerstad kyrkjegard.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1868-1870 Kategori:Folk frå Fredrikstad