Nils Trondsson Thune () var ein norsk gardbrukar og stortingsmann frå Vang i Oppland. Helge N. Thune var sonen hans.
Thune tok over farsgarden Tune i 1855. Sidan var han gardbrukar der til han døydde. Han var medlem av heradsstyret i Vang frå 1862, og vart omgåande vald til ordførar. Dette ombodet hadde han til 1877, same året som han trekte seg frå forlikskommisjonen etter sju års teneste.
Thune representerte Kristians amt på Stortinget 1871-76. Åra 1871-74 var han medlem av justiskomite nr 2, 1875-76 av justiskomiteen. Thune vart hausten 1879 vald til 2. representant til Stortinget frå valkrinsen sin. Før året var omme, døydde han på garden sin i Vang.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1871-1873 Kategori:Stortingsrepresentantar 1874-1876 Kategori:Stortingsrepresentantar for Oppland Kategori:Ordførarar i Vang Kategori:Norske gardbrukarar frå 1800-talet Kategori:Folk frå Vang