Hans Jacob Gasmann () var ein norsk gardbrukar og stortingsmann frå Gjerpen i Telemark.
Gasmann var fødd i Gjerpen, der far hans var prokurator ved stiftsoverretten. Sjølv var han gardbrukar på Foss i Gjerpen. Han representerte Bratsbergs amt på Stortinget 1821 og omframstortinget 1822, og på ny i 1836 og 1836-37. I 1821 var han medlem av åtte komitear, mellom dei om løn til geistlege embetsmenn, om løn til skulehaldarar, om snøbrøyting og om bergverkslova. Både i 1836 og på omframstortinget 1836-37 var han medlem av næringskomiteen. Frå 1838 var han medlem av det fyrste heradsstyret i Gjerpen.
I 1843 utvandra Gasmann til staten Wisconsin i USA, der han døydde i 1857.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1821-1823 Kategori:Stortingsrepresentantar 1836-1838 Kategori:Stortingsrepresentantar for Telemark Kategori:Norske gardbrukarar Kategori:Folk frå Skien