Kamilleblomslekta (Matricaria) er ei planteslekt i korgplantefamilien. I Noreg veks to artar. Desse er eittårige plantar med greina stenglar og snaue dobbeltfinna blad.
Plantane i slekta er låge eller middels høge urter. Dei har ein opprett stengel og som regel ei krydra lukt. Blada sit spreitt og er fleire gonger fjørflika. Korgene har gul skive. Dei fleste artane har kvite randkroner, men nokre artar manglar dei. Korgbotnen er kjegleforma og innhol. Frukta har opptil fem langsgåande ribber og manglar fnokk. Artane i balderbråslekta (Tripleurospermum) med to artar i Noreg blei tidlegare rekna til Matricaria. Dei har også fjørflikete blad, gul skive og kvite randkroner, men har berre tre ribber på frukta.
Artane som her er lagt til Matricaria er av andre lagt til slekta Chamomilla, medan namnet Matricaria i denne andre systematiseringa er brukt om artane som vert kalla balderbråslekta, Tripleurospermum, i den systematikken som er lagt til grunn her.
Tunbalderbrå blir av Artsdatabanken plassert i slekta Lepidotheca, men i internasjonal litteratur blir han oftest rekna til Matricaria. Tunbalderbrå er vanleg i heile Norge. Ein annen art, kamilleblom, er eit sjeldant ugras i Noreg.
Artar Flerie kjelder oppgjev at der er seks eller sju artar i slekta Matricaria. Ifølgje Global Compositae Checklist er det derimot hele 21 gyldige artar:
Matricaria aserbaidshanica Matricaria aurea Matricaria australis Matricaria brachyglossa Matricaria breviradiata kamilleblom (M. chamomilla) Matricaria courrantia Matricaria decipiens tunbalderbrå (M. discoidea) Matricaria elongata Matricaria grossheimii Matricaria hookeri Matricaria karjaginii Matricaria lasiocarpa Matricaria occidentalis Matricaria rupestris Matricaria sevanensis Matricaria subpolaris Matricaria szowitzii Matricaria tetragonosperma Matricaria transcaucasica
Galleri
Kjelder
Johannes Lid: Norsk-svensk-finsk flora. Det Norske Samlaget, 1985.
Denne artikkelen bygger på «Kamomiller» frå , og «Kamillen» frå den 27. november 2010.
Denne artikkelen bygger på «Kamilleblomslekta» frå , den 21. juli 2021.
Kategori:Planteslekter Kategori:Korgplantefamilien