Christian Feyer () var ein norsk embetsmann og stortingsmann.
Feyer var fødd i Vågå, utanfor ekteskap. Han var frå 1809 kopist i kommisariatkommisjonen, året etter tilsett i kommisariatkollegiet. Frå 1813 var han fullmektig i armédepartementet. Han tok norsk juridisk eksamen i 1818. Frå 1825 var han fut i Larvik. Den lange perioden 1834-67 var han sorenskrivar i Jæren og Dalane.
Feyer var i 1830 2. representant frå Jarlsberg og Larviks amt på Stortinget. Han var visesekretær i Stortinget, og ein månad sekretær i Odelstinget. Elles var han sekretær i komiteen om gasjar, pensjonar, budsjett- og skattevesen.
Han døydde i Eigersund i 1879.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1830-1832 Kategori:Stortingsrepresentantar for Vestfold Kategori:Norske sorenskrivarar Kategori:Folk frå Vågå