Samuel Eto'o () er ein kamerunsk fotballspelar som hausten 2011 spela i angrep for Anzji Makhatsjkala i den russiske fotballigaen, og for det kamerunske landslaget.
Eto'o spelte i fem sesongar, frå 2004 til 2009 for Barcelona i spansk Primera Division. Han vann tre seriemeisterskap med Barcelona, i 2005, 2006 og 2009, og den europeiske Meisterligaen to gonger, i 2006 og 2009. I 2006 vart han toppskårar i Primera Division. Same året vart han kåra til beste spiss i Meisterligaen. I 2009/10-sesongen, den første sesongen hans i Inter, var han med på å vinna både Serie A og Meisterligaen. Han vart kåra til årets afrikanske fotballspelar tre år på rad, i 2003, 2004 og 2005, og var med på å vinna Afrikameisterskapen med Kamerun i 2000 og 2002. Han er den mestskårande spelaren gjennom tidene for den spanske klubben Mallorca, og for Kamerun sitt landslag.
Kategori:Kamerunske fotballspelarar Kategori:Real Madrid-spelarar Kategori:Espanyol-spelarar Kategori:Mallorca-spelarar Kategori:Barcelona-spelarar Kategori:Inter-spelarar Kategori:Anzji Makhatsjkala-spelarar Kategori:Spelarar i Fotball-VM 1998 Kategori:Spelarar i Fotball-VM 2002 Kategori:Spelarar i Fotball-VM 2010 Kategori:Spelarar i Fotball-VM 2014