mini|Cantate Domino av Dieterich Buxtehude, framført i Christ Church i Bangkok i 2005. mini|Notar til J.S. Bach sin «Kaffikantate», «Schweigt stille, plaudert nicht».
Kantate, av italiensk cantata, 'songstykke', er eit profant eller religiøst vokalverk akkompagnert av musikkinstrument. Ein kantate har som regel fleire satsar, og er vanlegvis skriven for kor, solistar og orkester.
Kantaten vart utvikla i Italia på 1600-talet, og vidareutvikla i Tyskland og Frankrike på 1700-talet.
Innan kyrkjemusikken utvikla kantaten seg først og fremst innan den protestantiske delen av Tyskland.
Særleg kjende er Johann Sebastian Bach sine kyrkjekantatar. Bach skreiv kantatar for alle søn- og heilagdagar i kyrkjeåret, i alt over 200.
Kjelder
Kategori:Kyrkjemusikk Kategori:Klassiske musikkstilar Kategori:Italienske ord og uttrykk