«Do It Again» er ein song skriven av Brian Wilson og Mike Love for det amerikanske popbandet The Beach Boys. Han vart først gjeven ut som singel av The Beach Boys i 1968 på Capitol Records. Songen vart spelt inn i mai og juni 1968 og kom òg på albumet 20/20 i 1969. På songen finst det nokre lydar på slutten av sporet som kom frå det skrinlagde Smile-prosjektet. B-sida til singel var «Wake the World». Songen vart produsert av Brian og Carl Wilson med Mike Love på solovokal.
Komposisjonen Teksten til songen, som opphavleg heitte «Rendezvous», var inspirert av ein dag Mike Love hadde vore på stranda og surfa med den gamle venen Bill Jackson. Love viste så teksten til Brian Wilson, som skreiv musikken til den nostalgiske teksten til Love. Brian Wilson har seinare sagt at han meiner dette var det beste samarbeidet dei nokon gong gjorde.
Mange kritikarar og tilhengjarar merka seg at bandet her gjekk tilbake til surfestilen, som bandet hadde unngått sidan 1964.
Innspeling Etter seks veker med lite arbeid i studio (sidan bandet var opptekne med ein turne) gjekk bandet tilbake i studio 26. mai 1968 og starta innspelinga av «Do It Again» i heimestudioet til Brian i Bel Air i California. Innspelinga var produsert av Brian og Carl. Etter å ha lagt ned akkompagnementet la dei på vokal, gitar og orgel, samt ein ny gitarsolo. Fleire instrument vart lagt på den 6. og 10. juni.
Under miksinga av albumet kom visstnok lydteknikaren Stephen Desper fram til trommeeffekten ein kan høyre i starten av songen. Mange meiner at denne lyden var medverkande til at singelen vart ein suksess.
Singelen Singelen kom ut med «Wake The World» som B-side i USA den 8. juli 1968. Singelutgåva er litt forskjellig frå albumutgåva og har ikkje lydane frå Smile i slutten. Singelen nådde listene 28. juli og gjekk opp til 20. plass. Dette var den siste Topp 20-plasseringa til bandet i USA før «Rock and Roll Music» i 1976, som nådde 5. plass.
I august 1968 kom singelen ut i Europa og vart den andre førsteplassen bandet oppnådde i Storbritannia. I Australia vart singelen den første bandet oppnådde førsteplassen med. I Tyskland gjekk singelen til fjerdeplass. I Nederland og Noreg stoppa singelen på femteplass.
Det vart laga ein promofilm av Peter Clifton for singelen. Filmen syner bandet som køyrer i ein varebil ned til stranda og surfar.
Salslister
Vekeslister Liste (1968)PlasseringAustralia3Austerrike8Canada RPM Top Singles10Nederland3Tyskland4New Zealand (Listener)14Noreg5Sveits7UK Singles Chart1US Billboard Hot 10020US Cash Box Top 100Cash Box Top 100 Singles, September 14, 19688US Record World 7
Årslister Liste (1968)RankAustralia (Go-Set)20US (Joel Whitburn's Pop Annual)157US Cash BoxCash Box Year-End Charts: Top 100 Pop Singles, December 28, 196881
Kjelder
Denne artikkelen bygger på «Do It Again (Beach Boys song)» frå , den 11. september 2009. oppgav desse kjeldene:
Kategori:Songar frå 1968 Kategori:Singlar frå 1968 Kategori:The Beach Boys-songar Kategori:Songar skrivne av Brian Wilson Kategori:Songar skrivne av Mike Love Kategori:Songar produserte av Brian Wilson Kategori:Nummer-ein-singlar i Storbritannia Kategori:Capitol Records-singlar Kategori:Songar om nostalgi