Jondal kyrkje står i Jondal sentrum i Ullensvang kommune i Vestland fylke, og er ei langkyrkje bygd i tre i 1888. Kyrkja er med sine 700 sitjeplassar den største i Hardanger, og ho vert òg kalla Hardangerkatedralen.
Altertavla syner nedtakinga av Jesus frå krossen, og er måla av Nils Bergslien.
Jondal kyrkje er soknekyrkje i Jondal sokn i Hardanger og Voss prosti. Ho er den einaste kyrkja tilhøyrande Den norske kyrkja i kommunen, men Herand bedehus i Herand er òg vigsla til kyrkjeleg bruk.
Ved avviklinga av prestegjelda frå 2004 låg kyrkja i Ullensvang prestegjeld.
Tidlegare kyrkjer i Jondal mini|venstre|Gamlekyrkja som vart riven i 1887 Den noverande kyrkja er den tredje kjende på staden, og det har vore kyrkje i Jondal sidan mellomalderen. Den fyrste var ei stavkyrkje som finst nemnd i kjelder frå 1309. Mellomaldekyrkja stod til 1725 då ho vart riven fordi ho var i dårleg stand. Ho vart erstatta av ei lafta kyrkje som stod til ho vart riven i samband med bygginga av den noverande kyrkja i 1888.
Fotnotar
Bakgrunnsstoff Nettstaden til Jondal sokn
Om Jondal sokn på nettstaden til Den norske kyrkja Arkivverket: Prestegjeld og sogn i Hordaland «Kirkebøker, Hordaland» på nettstaden til Arkivverket Oversyn over gravminne i Jondal kommune på nettstaden disnorge.no
Kategori:Kyrkjer i Hardanger og Voss prosti Kategori:Kyrkjer i Ullensvang Kategori:Langkyrkjer i Bjørgvin Kategori:Norske kyrkjer frå 1880-åra Kategori:Kulturminne i Ullensvang