«Behind Blue Eyes» er ein song skriven av Pete Townshend frå The Who for prosjektet Lifehouse. Prosjektet vart aldri noko av og songen kom først ut på albumet Who's Next frå 1971 i lag med fleire andre songar laga for prosjektet. Songen er ein av dei mest kjende innspelingane til The Who og har vorte spelt av mange andre bandet, mellom anna Limp Bizkit i 2003.
Oversyn
Songen er ein av dei mest kjende songane til The Who. Han startar med akustisk gitar og vokal, etter kvart bassgitar og harmonivokal og til slutt vert han ein fullskala rockesong før songen vert like roleg i avslutninga som i starten. Songar som var delte i forskjellige seksjonar som dette var eit varemerke for Townshend på denne tida. Gitarriffet mot slutten av songen vert òg nytta etter mellomspelet i songen «Won't Get Fooled Again», og kanskje var det meint å vere ei lenkje mellom desse to då songane var meint som ein del av ein rockeopera.
Utgåva av «Behind Blue Eyes» som kom med på Who's Next var faktisk den andre innspelinga bandet gjorde av songen. Ei tidlegare utgåve kom med som bonusspor på CD-utgåva av albumet med Al Kooper på hammondorgel. Pete Townshend har òg spelt inn songen to gonger som soloartist, ein gong (den orignale demoen av songen) kom med på albumet Scoop. Demoen og ei nyare innspeling med orkesterakkompagnement finst på The Lifehouse Chronicles.
Bandet spelte òg inn ei alternativ studioutgåve som er litt forskjellig frå orignalen her og der. Denne songen er på den nymastra utgåva av Who's Next.
Medverkande Roger Daltrey – solovokal Pete Townshend – akustisk og elektrisk gitar, korvokal John Entwistle – bass, korvokal Keith Moon – trommer
Salslister Liste (1971)PlasseringUS Cashbox24
Andre utgåver
Limp Bizkit
«Behind Blue Eyes» vart spelt av Limp Bizkit på albumet Results May Vary frå 2003. Songen vart opphavleg gjeve ut for filmen Gothika med Halle Berry i hovudrolla. Teksten til songen vart kraftig endra av Limp Bizkit.
Salslister Vekeslister Liste (2003–2004)PlasseringBrazil (ABPD)3Poland (LP3)1US Mainstream Rock Tracks (Billboard)11
Årslister Liste (2004)PlasseringAustralia (ARIA)12Austria (Ö3 Austria Top 40)8Belgia (Ultratop 50 Flandern)64Belgia (Ultratop 50 Vallonia)66Tyskland (Official German Charts)15Nederland (Single Top 100)77New Zealand (Recorded Music NZ)35Sverige (Sverigetopplistan)29Sveits (Schweizer Hitparade)14
Salstrofé
Andre artistar Andre som har spelt songen er Bryan Adams, Sheryl Crow, Testudo, Ian Stuart Donaldson, Jon English, Suzanne Vega, Silvertide og The Chieftains.
Kjelder
Denne artikkelen bygger på «Behind Blue Eyes» frå , den 30. juni 2009. oppgav desse kjeldene:
Kategori:The Who-songar Kategori:Songar frå 1971 Kategori:Singlar frå 1971 Kategori:Balladar frå 1970-åra Kategori:Singlar frå 2003 Kategori:Rockeballadar Kategori:Songar skrivne av Pete Townshend Kategori:Songar produserte av Glyn Johns Kategori:Songar produserte av Pete Townshend Kategori:Songar om einsemd Kategori:Track Records-singlar Kategori:Decca Records-singlar Kategori:Songar produserte av Rick Rubin Kategori:Nummer-ein-singlar i Sverige Kategori:Polydor Records-singlar Kategori:MCA Records-singlar Kategori:Interscope Records-singlar Kategori:Jon English-songar Kategori:Limp Bizkit-songar Kategori:The Chieftains-songar Kategori:Sheryl Crow-songar Kategori:Suzanne Vega-songar Kategori:Pat Travers-songar