«Sexy Sadie» er ein song av The Beatles frå albumet The Beatles (White Album) frå 1968. Han er skriven av John Lennon, men på vanleg vis tilskriven Lennon/McCartney.
John Lennon skreiv songen i India etter at han vart skuffa over at meditasjonslæremeisteren deira, Maharishi Mahesh Yogi, la seg etter ei av kvinnene i følgjet. I 1980 fortalte Lennon om bakgrunnen til songen:
Songen var inspirert av Maharishi. Eg skreiv han då vi hadde pakka koffertane og var klar til å reise. Det var det siste eg skreiv før vi forlet India. Eg rett og slett kalla han for 'Sexy Sadie' i staden for 'Maharishi what have you done, you made a fool...' Eg var i stemning til å skrive ein song, ganske kalkulert, men den uttrykte òg det eg følte. Eg forlet Maharishi med ein dårleg smak i munnen.
Ein del av songen «Sexy Sadie» vart lånt av gruppa Radiohead til songen deira «Karma Police» på albumet OK Computer. Ei spansk gruppe har teke bandnamnet sitt frå songtittelen.
Medverkande John Lennon – solo- og harmonivokal, rytmegitar, Hammondorgel George Harrison – sologitar, korvokal Paul McCartney – piano, bassgitar, korvokal Ringo Starr – trommer, tamburin
Bakgrunnsstoff Songteksten Alan W. Pollack om «Sexy Sadie»
Kjelder Denne artikkelen bygger på «Sexy Sadie» frå , den 9. februar 2009. oppgav desse kjeldene:
Kategori:The Beatles-songar Kategori:Songar frå 1968 Kategori:Songar produserte av George Martin Kategori:Songar skrivne av Lennon–McCartney Kategori:Songar om kvinner Kategori:Paul Weller-songar Kategori:Phish-songar