Berle kyrkje står i bygda Berle på sørsida av Bremangerlandet i Bremanger kommune i Vestland, og er ei mura arbeidskyrkje frå 1977.
Bygget er teikna av arkitekt Alf Apelseth og har sitjeplassar til 210 personar.
Berle fekk eigen gravstad i 1893 og bygdefolket hadde lenge arbeidd for å få eiga kyrkje då ho stod klar i 1977. Innsamlinga av pengar byrja alt i 1911. Kyrkja vart til stor del reist ved dugnadsarbeid og det var samla inn 200 000 kroner til bygginga.
Kyrkja har sidan 1999 vore soknekyrkje i Berle sokn i Nordfjord prosti. Då bygget stod ferdig i 1977 hadde det status som kapell og Berle vart oppretta som kapellsokn i Rugsund sokn i Davik prestegjeld. Fire år seinare, i 1981, vart Berle overført til Bremanger sokn og prestegjeld og 1. oktober 1999 vart Berle skild ut frå Bremanger sokn som eige sokn i Bremanger prestegjeld.
Sjå òg Kyrkjebygga til Den norske kyrkja i Sogn og Fjordane
Fotnotar
Bakgrunnsstoff Om Berle sokn på nettstaden til Den norske kyrkja Kart frå 1979 som viser soknegrenser og kyrkjestader, på nettstaden til Universitetet i Bergen «Kirkebøker, Sogn og Fjordane» på nettstaden til Arkivverket Skanna kyrkjebøker frå Sogn og Fjordane på nettstaden til Arkivverket Oversyn over gravminne i Bremanger kommune på nettstaden disnorge.no Om Berle Kapell NRK Fylkesleksikon Sogn og Fjordane
Kategori:Kyrkjer i Bremanger Kategori:Kyrkjer i Nordfjord prosti Kategori:Alf Apelseth Kategori:Arbeidskyrkjer Kategori:Norske kyrkjer frå 1977 Kategori:Kulturminne i Bremanger