Jon Ola Hauger Norbom () var ein norsk økonom og politikar for Venstre. Han var formann i Unge Venstre frå 1950 til 1952 og finansminister i regjeringa Korvald.
Norbom var fødd i Bærum. Etter artium i 1942 sat han fengsla i tre månader på Grini. Han begynte deretter på studiet i sosialøkonomi før han hamna 18 månader i tysk fangenskap i Buchenwald.Kristian Ottosen (red.): Nordmenn i fangenskap 1940–1945 (Oslo: Universitetsforlaget, 2004). Etter sosialøkonomisk embetseksamen i 1949 fekk Norbom stilling i Industridepartementet. Frå 1950 til 1952 var han formann i Unge Venstre. Han jobba i fleire år for internasjonale organisasjonar, frå 1955 til 1959 for FN i New York, og 1959 til 1963 for GATT i Genève.
Frå 1967 til 1969 var han statssekretær under Ole Myrvoll i Finansdepartementet i regjeringa Borten. I 1972 var han igjen i Genéve, og blei henta heim for å bli finansminister i Korvald-regjeringa, frå 18. oktober 1972 til 16. oktober 1973.
Etter Korvald-regjeringa reiste Norbom tilbake til Genève og ei stilling i UNCTAD/GATT. Frå 1984 til 1993 var han departementsråd i Sosialdepartementet.
Kjelder
Kategori:Norske finansministrar Kategori:Statsrådar i Regjeringa Korvald Kategori:Venstrestatsrådar Kategori:Statssekretærar i Regjeringa Borten Kategori:Statssekretærar frå Venstre Kategori:Norske departementsrådar Kategori:Leiarar i Unge Venstre Kategori:Folk knytte til SN Kategori:Norske konsentrasjonsleirfangar under andre verdskrigen Kategori:Folk frå Bærum