Eldrevatnet er eit vatn som ligg i Lærdal kommune i Vestland. Innsjøen er regulert og inngår i Borgund kraftverk. Eldrevatnet ligg 1106 - 1116 m over havet. På Eldrehaugen ved sørenden av vatnet går fylkesgrensa mellom Vestland og Viken og kommunegrensa mellom Lærdal og Hemsedal. Kongevegen frå Tuv i Hemsedal til Eldrehaugen er restaurert. Langs vegen ligg fire større informasjonsinstallasjonar med historier og informasjon frå området. På Eldrehaugen vert det informert om steinalder og fangstkultur. Den gamle Kongevegen er å finne innteikna på eit gammalt kart frå Hemsedal, produsert i 1849/50.
Kategori:Innsjøar i Vestland Kategori:Geografi i Lærdal Kategori:Lærdalsvassdraget Kategori:Reservoar i Vestland