Fellesforbundet Sunnhordland (tidl. Avdeling 118) er den største fagforeininga i LO i Sunnhordland, med om lag 2300 medlemar. Foreininga vart skipa av arbeidarar ved AS Stord i 1945, under namnet Stord Jern- og Metallarbeiderforening. Atle Tranøy er leiar og organisasjonen har kontor i Folkets hus på Leirvik.
I periodar har avdeling 118 hatt felles leiing med Verkstadklubben ved Aker Kværner Stord, men også medlemar i andre klubbar er tilknytte avdelinga. Avdelinga organiserer arbeidarar innan m.a. mekanisk industri, offshoreindustri, bygg og anlegg, skog- og landbruk og havbruk. Mesteparten av medlemane er tilknytte offshoreindustrien, særleg verksemdene Aker Kværner Stord og Leirvik Module Technology. Organisasjonen har medlemar i 37 verksemder som dei har tariffavtalar med.
Stord Jern- og Metallarbeiderforening slo seg saman med Stord Bygningsarbeiderlag i 1993, og organisasjonen fekk namnet Stord Metall- og Bygningsarbeideres Fagforening. Seinare endra dei namnet til Fellesforbundet Sunnhordland. Etne Planteskole og Tysnes Jern & Metall har seinare òg gått inn i avdelinga.
Leiarar 1945 - Lars Dyvik 1945-46 - Karl Almås 1947-48 - Sigurd Koppang 1949-50 - Hans Nysæther 1951-52 - Knut Handeland 1953-54 - Konrad Nilsen 1955 - Henry Aas 1956 - Ingjald Øpstad 1957-58 - Lars Sætrevik 1959-60 - Konrad Nilsen 1961-65 - Lars Sætrevik 1966-68 - Oscar Danielsen 1969-71 - William Rafdal 1972-73 - Magne Tverdal 1974-76 - Ingar Ersland 1976-77 - Aksel Kloster 1978-79 - William Rafdal 1980 - Sveinung Huglen 1981-93 - Leif Furre 1993- - Atle Tranøy
Kjelder Vevsida til avdelinga Knut Grove og Jan Heiret. I stål og olje - Historia om jern- og metallarbeidarane på Stord 1996.
Kategori:Norske fagforeiningar Kategori:Skipingar i 1945