Fjerdingane på Helgeland hadde mot slutten av mellomalderen funksjonar som distikt for innkreving av skattar og avgifter.
Helgeland var i periodar eitt futedømme, i periodar var det delt, nett som det i mellomalderen har vore inndelt i to halvfylke; Rødøy halvfylke på Nord-Helgeland og Herøy halvfylke på Sør-Helgeland. Rødøy halvfylke var òg eit prestegjeld, medan Herøy halvfylke var inndelt i Alstahaug prestegjeld og Brønnøy prestegjeld. Kvart prestegjeld var inndelt i fjerdingar, slik at det i verdsleg samaneng var ialt 12 fjerdingar på Helgeland:
Brønnøy prestegjeld var i følgje Indrebø 1935 og R. Fladby 1978 inndelt i Bindal fjerding (som i verdsleg samnheng høyrde til Namdalen), jf. dagens Bindal kommune. Sør-Sømn fjerding, jf. dagens Sømna kommune. Nord-Sømn fjerding, jf. dagens Brønnøy kommune. Vega fjerding
Alstahaug prestegjeld var inndelt i Mynda fjerding, jf. delar av dagens Alstahaug, Vega og Vevelstad kommunar. Alstahaug fjerding, med det som i dag er Alstahaug kommune og dessutan delar av Leirfjord. Herøy fjerding, med sørdelen av Dønna attåt Herøy. Vefsn fjerding, jf. dagens Vefsn, Grane og Hattfjelldal kommunar, dessutan noko av Leirfjord. Rana fjerding, dagens Hemnes og Rana kommunar, dessutan òg Elsfjord i Vefsn. Nesna fjerding, med norddelen av Dønna attåt Nesna.
Rødøy prestegjeld var inndelt i Lurøy fjerding, med dagens Lurøy kommune i tillegg til Træna. Rødøy fjerding Meløy fjerding
Avgrensinga kan ha variert. Då tiendpengeskatten vart innkrevd mot slutten av mellomalderen, kan det sjå ut til at Nesna høyrde til Rødøy fjerding.
Kjelder Helgeland historie b. 2, red.: Birgitta Berglund (Helgeland historielag 1994)ISBN 82-90148-55-0 Årbok for Helgeland 2004 «Tiendpengeskatten på Helgeland 1521-22» Helgeland historielag ISBN 82-90148-63-1
Kategori:Fjerdingar Kategori:Helgeland