Severin Løvenskiold () var ein norsk verkseigar, embetsmann, kammerherre og politikar.
Bakgrunn og yrke Løvenskiold var fødd i Porsgrunn i 1777. Løvenskiold var ein del av ei rik adelsslekt i Noreg, son av kammerherre Severin Løvenskiold til Fossum jarnverk og Benedicte Henrikka Aall. Mora var tante til Jørgen, Niels, Jacob og Benedicte Henrikke Aall gift med Ulrich Fredrich von Cappelen. Severin Løvenskiold var bror til Niels Aall Løvenskiold, Frederik Løvenskiold («Fritz») og Frederikke Løvenskiold.
Han var utdanna i bergvitskap i Tyskland og vart cand.jur. ved Københavns Universitet i 1796. Han vart kammerjunker i 1796 og vart seinare tilsett i rentekammeret. Han blei assessor i kommercekollegiet i 1797 og i finanskollegiet i 1801, der han var sekretær hos finansminister Ernst Heinrich von Schimmelmann. I 1802 kom han heim til Noreg for å ta over Fossum Jarnverk med den tilhøyrande herregarden etter faren.
mini|venstre|Fossum Nordre, Fossum hovudgard fotografert i 1949. Bygninga er teikna av Christian Frederik Hansen og Johan Gottfried Böydler. mini|venstre|Adgangsteikn for Severin Løvenskiold til riksforsamlinga på Eidsvoll. Han vart utnemnd til amtmann i Bratsbergs amt 1803, kammerherre i 1804 og styrar av Larvik grevskap 1805–1811. Han tok avskjed som amtmann i 1813.
Politisk verksemd Løvenskiold vart vald som fyrste representant frå Bratsbergs amt til riksforsamlinga på Eidsvoll i 1814. Her knytte han seg til unionspartiet.
Etter at unionen mellom Sverige og Noreg var eit faktum, var han norsk forhandlar ved gjeldsoppgjeret med Danmark. Løvenskiold hadde dette ansvaret frå 1814 til 1817, med tittel av statsråd.
Han var statsminister ved den norske statsrådsavdelinga i Stockholm i Sverige frå 1828 til 1841. Frå 1841 til han døydde i 1856 var han statthaldar (rigsstatholder) i Noreg. Etter Løvenskiold vart statthaldarembetet ståande ledig, til tittelen vart oppheva i 1873.
Løvenskiold døydde på Fossum i Gjerpen (noverande Skien kommune) i Telemark fylke.
Prisar og utmerkingar Løvenskiold vart riddar av Serafimerordenen i 1829 og fekk storkrossen av St. Olavs Orden i 1847. I 1848 vart han riddar av Elefantordenen og i 1853 fekk han Borgardådsmedaljen i gull. Han var medlem av Det Kongelige Norske Videnskabers Selskab frå 1829 og æresmedlem av Kungliga Svenska Landtbruks-Akademien.
Kjelder
Bakgrunnsstoff Dokument frå Severin Løvenskiold frå 1814–1838 digitalisert av Riksarkivet
Kategori:Eidsvollmenn Kategori:Norske statsrådar 1814-1884 Kategori:Norske statsministrar i Stockholm Kategori:Norske statthaldarar Kategori:St. Olavs Orden Kategori:Medaljen for borgardåd Kategori:Elefantordenen Kategori:Serafimerordenen Kategori:Medlemmar av Det Kongelige Norske Videnskabers Selskab Kategori:Norske amtmenn Kategori:Fylkesmenn i Telemark Kategori:Folk frå Porsgrunn