Triestebukta er ei grunn bukt heilt nord i Adriahavet. Ho er ein del av Veneziabukta, og er delt mellom Italia, Slovenia og Kroatia.
Bukta er avgrensa av ei tenkt linje frå Punta Tagliamento på den italienske kysten og Savudrija (Punta Salvore) i Kroatia. Arealet er om lag 1 000 km², og ho har eit middeldjup på 16 meter. På det djupaste er ho derimot 37 meter.
Bortsett frå dei flate småøyane som blokkerer inngangen til Laguna di Grado, er det ingen øyar i bukta. Austkysten med Trieste og den slovenske kysten er forholdsvis kupert. I Triestebukta finn ein òg fleire mindre bukter som Muggiabukta, Koperbukta (Capodistria) og Piranbukta (Pirano).
Merknadar
Kategori:Bukter i Middelhavet Kategori:Bukter i Italia Kategori:Kroatisk geografi Kategori:Slovensk geografi