Narvik-avtalen er ein forsvarsavtale mellom Noreg og Frankrike som vart signert 27. mai 2026. Han inneber ein prosess der Noreg kjem under atomvåpen-paraplyen til Frankrike. Avtalen har noko å seia fordi Noreg tidlegare har rekna med at tryggleiken i landet var best vareteken i nært samarbeid med USA.
Med Narvik-avtalen ønskte Noreg no å bli assosiert med partnarar som Polen, Storbritannia, Tyskland, og andre nordiske partnarar. Noreg og Frankrike signerte ein strategisk partnarskap den 23. juni 2025, og i erklæringa frå Elyséepalasset var den franske ordlyden å styrkja «». «Force de dissuasion» betyr i fransk strategisk språkbruk den franske atomavskrekkinga.
Jonas Gahr Støre, statsministeren i Noreg, poengterte under ein felles pressekonferanse med Frankrikes president Emmanuel Macron at Noreg deler grense med Russland, som fører ein brutal krig mot Ukraina. Han stadfesta at Noregs primære avskrekking framleis ville bli kanalisert gjennom NATO.
Då avtalen vart signert hadde Frankrike rundt 300 kjernefysiske våpen i arsenalet sitt. President Macron uttalte den 1. mars 2026 at talet ville auka. Frankrike og Storbritannia er dei einaste europeiske landa med atomvåpen. Det vil ifølgje Støre ikkje bli plassert atomvåpen på norsk jord i fredstid. Avtalen fekk negativ kritikk av partia SV, MDG og Raudt, og dessutan organisasjonen Røde Kors. Partiet Høgre var positive til avtalen.
Kjelder
Kategori:Fransk forsvarspolitikk Kategori:Norsk forsvarspolitikk Kategori:2026 i Frankrike Kategori:2026 i Noreg Kategori:Internasjonale relasjonar i 2026 Kategori:Hendingar i 2026 Kategori:Traktatar av 2026