Makta er ein norsk dramaserie som hadde premiere på NRK i oktober 2023. Serien er skapt av Johan Fasting, Silje Storstein og Kristin Grue, og produsert av Motlys og Novemberfilm. Serien består av tolv episodar fordelt på to deler; fyrste del blei sendt hausten 2023, og andre del blir sendt frå januar 2024.
Handling
Serien er basert på verkelege hendingar; han følgjer maktkampen i Arbeidarpartiet i 1970- og 1980-åra, og blir introdusert som ei forteljing «basert på sannhet, løgn og dårlig hukommelse». Kathrine Thorborg Johansen og Jan Gunnar Røise spelar hovudrollene som Gro Harlem Brundtland og Reiulf Steen.
Rolleliste Skodespelar Rolle Kathrine Thorborg Johansen Gro Harlem Brundtland Jan Gunnar Røise Reiulf Steen Anders Baasmo Odvar Nordli Trond Espen Seim Arvid Engen Øyvind Brandtzæg Bjartmar Gjerde Nader Khademi Einar Førde Lasse Kolsrud Trygve Bratteli Torbjørn Davidsen Tor Aspengren Erik Hivju Einar Gerhardsen Andrea Rudland Haave Sissel Rønbeck Olav Waastad Ronald Bye Nils Bendik Kvissel Thorbjørn JaglandTrond HøvikPer KleppeMats EldøenJens SolliShana Fevang MathaiEva BratholmManish SharmaIvar LeveraasGalvan MehidiIngjald Ørbeck SørheimSjur Vatne BreanJens StoltenbergKarl Vidar LendePer VassbotnAndreas Stoltenberg GranerudArne Olav BrundtlandSvein Sturla HungnesRolf HansenHadle LavoldHerbjørn SørebøChristian SkolmenThorvald StoltenbergGunnar EirikssonArvid JacobsenVidar SandemGudmund HarlemMohammed BaseferPer BrunvandHarald Ottesen NødtvedtOdd Kristian RemeAnne RygKarin StoltenbergMarius LienWiktor A. MartinsenMona HuangKjersti FagerjordCathrine Frost AndersenEli EngenÅgot SendstadRuth DamsgårdJonas Daniel IrvallOlof PalmeSilje Korsnes Messel-EndresenFlyvertinneAndré SørumGunnar BergeHeidi GoldmannHanna Kvanmo
Økonomi I desember 2020 fekk produksjonsselskapet bak serien tildelt 10 millionar kroner i støtte av Norsk filminstitutt. Totalt hadde serien eit budsjett på 130 millionar kroner.
Mottaking Serien har fått svært gode meldingar, men framstillinga av sentrale Arbeidarparti-politikarar har også fått kritikk.
I ein post på Facebook-profilen sin, skreiv tidlegare statsminister Thorbjørn Jagland: «Reiulf Steen var ikke bare en drukkenbolt, og slett ikke en livsfjern tåkefyrste. [...] Odvar Nordli var slett ingen bygdetulling. Han kunne formulere i én setning det intellektuelle måtte skrive tusen ord for å komme fram til, gjerne under tvil. [...] Trygve Bratteli er en av partiets og Norges viktigste. Han var fåmælt, men ikke så puslete og tragisk som han fremstilles.»
Det er også påpeikt at mens mange av dei andre i partileiinga framstår som karikaturar av seg sjølv i serien, blir Gro Harlem Brundtland løfta fram som ein helt: «Tv-serien «Makta» er bygd opp som et heltedrama med Gro Harlem Brundtland i rolla som Messias», skreiv Bjørgulv Braanen.
Prisar og nominasjonar Under TV-seriefestivalen Cannesseries i april 2023 vann Makta prisen for beste serie, og komponisten Kåre Vestrheim vann prisen for beste musikk. Serien blei tildelt heiderleg omtale under Prix Europa i 2023 i klassen beste TV-fiksjon.
Kjelder
Denne artikkelen bygger på «Makta» frå , den 23. desember 2023.
Bakgrunnsstoff Makta hos NRK TV. Makta hos Filmfront. Makta hos The Internet Movie Database. Makta hos The Movie Database.
Kategori:Norske dramaseriar Kategori:Fjernsynsprogram frå NRK Kategori:Norske fjernsynsseriar frå 2020-åra