«Cry Me a River» er ein populær amerikansk fakkelsong, skriven av Arthur Hamilton, først publisert i 1953 og gjort kjend i 1955 med ein versjon av Julie London.
Opphav og tidlege innspelingar Arthur Hamilton sa seinare om songen: «Eg hadde aldri høyrt uttrykket før. Eg likte berre kombinasjonen av orda.... I staden for 'Eat your heart out' eller 'I'll get even with you', høyrdest det ut som eit godt, smart svar til nokon som hadde såra kjenslene dine eller knust hjartet ditt.» Han var i utgangspunktet uroa for om lyttarane ville høyra ein referanse til «Crimea» (Krimhalvøya), snarare enn «..cry me a...», men sa at «å setja seg ned og spela melodien og komma opp med teksten gjorde det til eit ikkje-tema.»John Berlau, «Crying a River for Years», The Wall Street Journal, 15. desember 2010. Henta 14. mai 2023.
«Cry Me a River» vart opphavleg skriven for Ella Fitzgerald som ein bluesaktig jazzballade til å syngja i filmen Pete Kelly's Blues (gitt ut 1955). Ifølgje Hamilton hadde han og Julie London vore klassekameratar på vidaregåande skule, og ho kontakta han på vegner av mannen sin, Jack Webb, som var regissøren av filmen og leita etter nye songar å nytte. . Etter at songen vart droppa frå filmen, gav Fitzgerald først ut versjonen sin på Clap Hands, Here Comes Charlie! i 1961. Songen vart òg tilboden til Peggy King, men Columbia Records A&R-sjefen Mitch Miller protesterte mot ordet «plebeian» i teksten.
Songen vart første gong gitt ut av skodespelar og songar Julie London på Liberty Records i 1955, med Barney Kessel på gitar og Ray Leatherwood på bass.Cary O'Dell, «"Cry Me a River»-Julie London (1955)«, Library of Congress. Henta 7. mars 2020 London hadde vorte oppmoda til å spela inn songen av Bobby Troup, som ho seinare skulle gifta seg med etter skilsmissa frå Webb. Ei framføring av songen av London i filmen The Girl Can't Help It frå 1956, bidrog til å gjera han til ein bestseljar (nådde nr. 9 i USA og nr. 22 på UK Singles Chart). Det vart ei gullplate og i 2016 vart han innlemma av Library of Congress i National Recording Registry..
Kjende innspelingar Nokre kjende versjonar av songen er: Barbra Streisand (1963) den første songen på hennar første album, The Barbra Streisand Album. Marie Knight (1969) nummer 35 på Billboard R&B. Joe Cocker (liveversjon) (1970) nummer 11 på Billboard Aerosmith (1982) Mari Wilson (1983) nummer 27 på UK Singles Chart frå Showpeople. Denise Welch (1995) nummer 23 på UK Singles Chart. Elaine Paige (2004) for albumet hennar Centre Stage som nådde 35. plassen på UK Albums Chart Merle Haggard gav ut ein uvanleg country versjon av songen på 2004-utgivinga si Unforgettable Rick Astley (2005) nummer 26 på UK Albums Chart for det 6. studioalbumet sitt Portrait''' Michael Bublé (2009) nummer 34 på UK Singles Chart.
Julie London-versjonen dukkar òg opp i filmen V for Vendetta med Natalie Portman og John Hurt i hovudrollene.
KjelderDenne artikkelen bygger på «Cry Me a River» frå , den 14. mai 2023. oppgav desse kjeldene:''
Kategori:Songar om hjartesorg Kategori:Songar om elvar Kategori:Songar frå 1953 Kategori:Fakkelsongar Kategori:Popballadar Kategori:Julie London-songar Kategori:Grammy Hall of Fame Award Kategori:Songar skrivne av Arthur Hamilton Kategori:Jazzstandardar frå 1950-åra Kategori:United States National Recording Registry-innspelingar Kategori:Ella Fitzgerald-songar Kategori:Mari Wilson-songar Kategori:Barbra Streisand-songar Kategori:Joe Cocker-songar Kategori:Aerosmith-songar Kategori:Elaine Paige-songar Kategori:Merle Haggard-songar Kategori:Rick Astley-songar Kategori:Michael Bublé-songar Kategori:Dinah Washington-songar Kategori:Shirley Bassey-songar Kategori:Sam Cooke-songar Kategori:Lesley Gore-songar Kategori:Ray Charles-songar Kategori:Skeeter Davis-songar Kategori:Joan Baez-songar Kategori:Crystal Gayle-songar Kategori:Natalie Cole-songar Kategori:Etta James-songar Kategori:Diana Krall-songar Kategori:Karin Krog-songar Kategori:Olivia Newton-John-songar Kategori:Linda Ronstadt-songar Kategori:Rita Coolidge-songar Kategori:Bobby Darin-songar Kategori:Susan Boyle-songar Kategori:Lisa Ekdahl-songar Kategori:Jeff Beck-songar Kategori:Bob Welch-songar Kategori:Tina Arena-songar Kategori:Milt Buckner-songar