«Hurt So Bad» er ein song skriven av Teddy Randazzo, Bobby Weinstein og Bobby Hart. Balladen vart ein hit i 1965 for Little Anthony & The Imperials. Linda Ronstadt fekk òg ein topp 10-hit med sin versjon i 1980. Songen er blitt spelt av mange andre artistar, som The Lettermen, som tok songen til 12. plassen på singellista i USA i september 1969.
Little Anthony & The Imperials-versjonen Little Anthony & The Imperials-utgåva var spelt inn for albumet Goin' out of My Head. Singelen var oppfølgjaren til tittelsporet frå dette albumet, som òg vart ein stor hit og nådde topp 10 på Billboard-lista. Denne versjonen nådde tiandeplassen på Billboard Hot 100. Han vart òg framført av gruppa første gongen dei var på The Ed Sullivan Show. Han vart skriven spesifikt for The Imperials av Teddy Randazzo, ein mangeårig ven av gruppa, i lag med Bobby Weinstein og Bobby Hart, og vart produsert av Don Costa for selskapet DCP, som seinare gjekk saman med United Artists Records.
Medverkande «Little Anthony» Gourdine - solovokal Clarence «Wah-Hoo» Collins - baryton/bass Ernest Wright - andretenor Sammy Strain - førstetenor Produsent: Don Costa Akkompagnert av The 101 Strings Orchestra
Linda Ronstadt-versjonen
Linda Ronstadt spelte inn ein versjon av «Hurt So Bad» for albumet Mad Love i 1980. Han var produsert av Peter Asher for Asylum Records, og vart gjeven ut som den andre singelen frå albumet. Gitarsoloen på denne versjonen vart spelt av Danny Kortchmar. Han står som ein av dei mest suksessrike versjonane spelt inn av songen og han nådde åttandeplassen på Billboard Hot 100 og niandeplassen på Cash Box Top 100-lista våren 1980.
Andre versjonar Songen er blitt spelt inn av følgjande artistar: El Chicano gav ut ein versjon av «Hurt So Bad» på debutalbumet deira frå 1970, Viva Tirado. The Lettermen og Jackie DeShannon Alicia Keys. Ramsey Lewis, The Delfonics, David Cassidy, Richard «Groove» Holmes, Grant Green, Willie Bobo, El Chicano, Nancy Wilson, Anne Renée og andre.
Kjelder
Denne artikkelen bygger på «Hurt So Bad» frå , den 7. desember 2020. oppgav desse kjeldene:
Kategori:Songar frå 1964 Kategori:Singlar frå 1964 Kategori:Singlar frå 1980 Kategori:Little Anthony and the Imperials-songar Kategori:Jackie DeShannon-songar Kategori:Linda Ronstadt-songar Kategori:The Lettermen-songar Kategori:Asylum Records-singlar Kategori:Songar skrivne av Teddy Randazzo Kategori:Songar skrivne av Bobby Hart Kategori:Songar skrivne av Bobby Weinstein Kategori:Sentimentale kjærleiskssongar Kategori:The Delfonics-songar Kategori:Nancy Wilson-songar Kategori:Dionne Warwick-songar Kategori:David Cassidy-songar Kategori:Herb Alpert-songar